.gif)
(2).gif)
_(1).gif)
.png)
काठमाण्डौ । हिमालयन रि इन्स्योरेन्सको पछिल्लो समय लगातार उच्च कारोबार हुन थालेको छ । यो कम्पनीको चर्चा बजारमा निकै हुने गरेको छ । पछिल्लो समय बीमा समीतिले पुनर्बीमा कम्पनीहरुको पूँजी २० अर्ब देखि २५ अर्ब रुपैयाँसम्म बढाउने बताए पछि यो कम्पनीमा सर्वसाधरणको चासो बढेको हो ।
.gif)
हाल नेपाल पुनर्बीमाको १२ अर्ब ८१ करोड र हिमालयन रि इन्स्योरेन्सको १० अर्ब चुक्तापूँजी रहेको छ ।
दोस्रो बजारमा हिमालयन रि इन्स्योरेन्स कम्पनीको माघ १४ गते ३३ करोड ५३ लाख रुपैयाँको कारोबार भएको थियो । माघ १५ गते ६० करोड १६ लाख रुपैयाँबराबरको कारोबार भएको थियो ।
मंगलबार यो कम्पनीको सर्वाधिक ७५ करोड २७ लाख रुपैयाँ बढीको कारोबार भएको छ । फ्लोर सिट् हेर्दा अघिल्लो साता एकै दिन १० लाख भन्दा बढी कित्ता सेयर उठाएको भृकुटी स्टक ब्रोकिङ(स्टक ब्रोकर नम्बर ५५) ले उच्च मात्रामा सेयर बिक्री गर्न थालेको छ ।
यो ब्रोकरले सोमबार कम्पनीको ४४ हजार कित्ता बढी सेयर बिक्री गरेको थियो । मंगलबार भने यो ब्रोकरले हिमालयन रि इन्स्योरेन्सको सबैभन्दा धेरै सेयर बिक्री गरेको छ । यो ब्रोकरले आज १ लाख ५७ हजार भन्दा बढी सेयर बिक्री गरेको छ । दोस्रो नम्बरमा भने नासा सेक्युरिटिज स्टक (ब्रोकर नम्बर ५८) रहेको छ ।
नासा सेक्युरिटिजले १ लाख ११ हजार भन्दा बढी कित्ता सेयर बिक्री गरेको छ । यो ब्रोकरले हिमालयन रिको सेयर केही समय देखि निरन्तर बिक्री गर्दै आएको थियो । मंगलबार कम्पनीको सेयर श्वेता सेक्युरिटिज (स्टक ब्रोकर नम्बर २५) ले करिब ६५ हजार कित्ता ,दीपशिखा धितोपत्र कारोबार कम्पनी( स्टक ब्रोकर नम्बर ३८) ले ५२ हजार ५११ कित्ता , डाइनमिक मनी म्यानेजर सेक्युरिटिज(स्टक ब्रोकर नम्बर ४४ ) ले ४८ हजार कित्ता खरिद गरेको छ ।
.png)
(196).jpg)
(1)(1)(5).jpg)
.jpg)
(1).gif)
.gif)
