खल्तीको ‘द बिगेस्ट पेमेन्ट जात्रा’ सम्पन्नः १० लाख बढी सहभागी, पल्सर एनएस२०० देखि करोडौँको उपहार

CORPORATE
बुधबार, श्रावण ९,२०८१ 14:20:51

काठमाण्डौ । डिजिटल वालेट ‘खल्ती’ ले करोडौँको अफर रहेको ‘द बिगेस्ट पेमेन्ट जात्रा’ को तेस्रो संस्करण सफलता पूर्वक सम्पन्न गरेको छ । जेष्ठ १ गतेदेखि असार ३१ गतेसम्म रहेको यस ६३ दिने अफरमा १० लाख भन्दा बढी प्रयोगकर्ता सहभागी भएको खल्तीले जनाएको छ ।

यस अफरअन्तर्गत ५ विजेताले पल्सर एनएस २०० एफआई एबीएस बाइक, एकले आईफोन १५, ९ जना भन्दा बढिले अनर एक्ससेभेनबी स्मार्टफोन, १ जनाले गेमिङ ल्यापटप साथै हरेक दिन १ विजेताले वासिन्ङ मसिन, स्मार्ट टिभी, स्मार्टफोन, स्मार्ट घडीहरू, एयर बढहरू, माउन्टेन फ्लाइट देखि इन्टरनेट प्याकेज जस्ता सयौँ उपहारहरू जितेका थिए ।

यस जात्रामा भित्रिएको ‘सेयर अ कोड’ मा सहभागीहरूले आफ्नै प्रोमोकोड बनाई आफ्नो सञ्जाल मा सेयर गरेका थिए । ६ लाख भन्दा बढी कुपन बनाएर सेयर गर्दै प्रयोगकर्ताहरू स्वयम् खल्ती इन्फ्लुन्सर बनेका थिए भने साथीभाइहरूले सो प्रोमोकोड प्रयोग गरी अफर र क्यासब्याकको लाभ लिन सफल भएका थिए ।

यस अफर अवधिभर विजेता छनोट प्रक्रियालाई पारदर्शी बनाउँदै खल्तीले आफ्नो फेसबुक लाइभ मार्फत पाँच वटा पल्सर बाइकका विजेताहरू घोषणा गरेको थियो । जसमा ब्रह्म देव महतो (राउन्ड १), प्रशना श्रेष्ठ (राउन्ड २), स्वाभिमान जनरल स्टोर्स (राउन्ड ३), सुन्दर कुमार जोशी (राउन्ड ४) र थापा किराना पसल (बोनस राउन्ड) ले बाइक जितेका छन् ।