(2).gif)
.png)
काठमाण्डौ । गत असोज १२ गते नख्खु खोलामा आएको बाढीमा हामफालेर दुई जनाको ज्यान बचाएका चनिकलाल तामाङलाई ललितपुर महानगरपालिकाले सम्मान गरेको छ । विपद्को बेला देखाएको साहस र मानवताका लागि उनलाई महानगरपालिकाले सम्मान गरेको हो ।
तामाङलाई ललितपुर महानगरपालिका मेयर चिरीबाबु महर्जनले एक लाख नगदसहित सम्मानपत्र प्रदान गरेका थिए । सम्मान ग्रहण गर्दै तामाङले आफूले यस्तो सम्मान पाइएला भने र कल्पना समेत नगरेको बताए । उनले श्रीमती र छोरीले नजान भनेपनि खोलामा पसेर २ जनाको ज्यान बचाएको बताए ।
यसै क्रममा ललितपुर महानगरका प्रमुख महर्जनले चनिकलालले गरेको यो महत्त्वपूर्ण मानवीय कार्यको जति प्रशंसा गर्दै ठूलो जोखिम मोलेर दुई जनाको ज्यान बचाएकोमा उनलाई धन्यवाद दिए ।
उक्त सम्मान कार्यक्रममा ललितपुर महानगरका प्रवक्ता राजु महर्जन, प्रमुख प्रशासकीय अधिकृत रेखादास श्रेष्ठ, सामान्य प्रशासन महाशाखा प्रमुख देवप्रसाद गुरागाईँलगायतको उपस्थिति थियो ।
.png)
(22).jpg)
