नेप्सेमा ३ कम्पनीको १ करोड कित्ता बढी बोनस सेयर सूचीकृत

काठमाण्डौ । नेपाल स्टक एक्सचेञ्ज(नेप्से)मा ३ वटा कम्पनीको बोनस सेयर सूचीकृत भएको छ । आज नेप्सेमा मन्दाकिनी हाईड्रो, एनआरएन इन्फ्रास्ट्रक्चर र सोल्टी होटलको बोनस सेयर सूचीकृत भएको हो ।

मन्दाकिनी हाईड्रोको ३ लाख ७ हजार ९८४.३३ कित्ता, एनआरएन इन्फ्रास्ट्रक्चरको ६ लाख ११ हजार ६०५.८५ कित्ता र सोल्टी होटलको ९२ लाख ९० हजार ८९९ कित्ता गरी कुल १ करोड २ लाख १० हजार ४८८.८५ कित्ता बोनस सेयर सूचीकृत भएको छ ।

मन्दाकिनी हाईड्राले आफ्ना सेयरधनीहरुलाई ५ प्रतिशत, एनआरएन इन्फ्रास्ट्रक्चरले ५ प्रतिशत र सोल्टी होटलले १० प्रतिशत बोनस सेयर दिएका थिए । नेप्सेमा सूचीकृत भएसँगै अब आगामी कारोबारदेखि यी सेयरहरु दोस्रो बजारमा कारोबारमा आउनेछन् ।