इजरायली प्रधानमन्त्री चढ्छन् १० तहको सुरक्षा भएको कार, यस्ता छन् विशेषता

AUTO
बिहीबार, असार ५,२०८२ 14:52:31

काठमाण्डौ । इरान र इजरायलबीच भीषण युद्ध चलिरहेको छ र सारा विश्व तेस्रो विश्वयुद्धको त्रासले घेरिएको छ । दुवै देशले आ–आफ्नो गुट बनाउन खोजिरहेका छन् र आगामी केही दिन निकै नाजुक हुने भनिएको छ, जहाँ कि त शान्ति हुनेछ वा अझ खराब अवस्था हुनेछ । दुवै देशका शीर्ष नेतृत्वको सुरक्षामा दुवैतर्फबाट विशेष पहलहरु समेत भईरहेका छन् । इजरायली प्रधानमन्त्री बेन्जामिन नेतान्याहुको आधिकारिक कार अडी ए८एएल मा सवार हुने गर्छन् । यो लक्जरी सेडान एउटा ट्याङ जस्तै छ र यसमा सुरक्षासँग सम्बन्धित धेरै सुविधाहरू छन् ।

बेन्जामिन नेतान्याहु विश्वका सबैभन्दा शक्तिशाली प्रधानमन्त्री हुन्, जो आफ्नो कडा नीति र सुरक्षा उपायका साथै इच्छाशक्तिका लागि परिचित छन्। इजरायली प्रधानमन्त्रीको आधिकारिक कार अडी ए८ एल सेक्युरिटि हो । जसमा १० तहको सुरक्षा छ। यसले शक्तिशाली हतियार र विस्फोटबाट जोगाउँछ। यसमा बलियो सुरक्षा कभर छ। यो कार पन्चर भएपछि पनि ८० किलोमिटरसम्म दौडन सक्छ । यसमा आगो निभाउने प्रणाली पनि छ र विषाक्त ग्यासको अवस्थामा पनि यसले स्वच्छ हावा प्रदान गर्दछ। आपत्कालीन अवस्थामा ढोका खोल्ने प्रणाली पनि यसमा राखिएको छ ।

अडी ए८ एल सेक्युरिटि एक विशेष कार हो, जो खतराहरु बाट जोगाउन डिजाइन गरिएको हो। यो लक्जरी सेडान बलियो सुरक्षा शिल्ड र एन्टी–ब्लास्ट लेयरको साथ आउँछ। यसमा अरामिड फाइबर र विशेष एल्युमिनियम पनि हुन्छ। यसको सिसा भीआर९ लेभलको छ, जसले गोलीबाट जोगाउँछ। इन्धन ट्याङ्की र इन्जिनको वरिपरि रहेको गाडीको मुनि विस्फोट प्रतिरोधी तह हुन्छ।

यो कारमा पीएएक्स रन–फ्ल्याट टायरहरू छन्, जसको मतलब टायर पङ्क्चर भयो भने पनि यसले ८० किलोमिटर प्रति घण्टाको गतिमा ८० किलोमिटरसम्म ड्राइभ गर्न सक्छ। यस लक्जरी सेडानको फ्लोर एचजी८५ क्लाससम्मको विस्फोटको सामना गर्न सक्छ। कारमा आगो लाग्यो भने आफै निभ्ने व्यवस्था समेत रहेको छ ।