(1).gif)
(2).gif)
.jpg)
(1).gif)
.png)
काठमाण्डौ । अमेरिकाको हस्तक्षेपपछि थाइल्याण्ड र कम्बोडियाबीच जारी सैन्य द्वन्द्व अन्त्य हुने सम्भावना देखिएको छ । अमेरिकी राष्ट्रपति डोनाल्ड ट्रम्पले शनिबार तीन दिनको सैन्य झडपपछि दुई देशका नेताहरू युद्धविरामका लागि वार्ता गर्न तत्काल भेट्न सहमत भएको घोषणा गरेका छन् ।
यी झडपहरूमा कम्तिमा ३१ जनाको मृत्यु भएको छ भने १ लाख ३० हजार भन्दा बढी मानिसहरू विस्थापित भएका छन्। ट्रम्पले कम्बोडिया र थाइल्याण्डका नेताहरूसँग छुट्टाछुट्टै कुरा गरेको बताए । उनले द्वन्द्व जारी रहेमा दुवै नेतासँग व्यापार सम्झौता नगर्ने चेतावनी दिए । डोनाल्ड ट्रम्प अहिले स्कटल्याण्डको भ्रमणमा छन् ।
.gif)
दुई देशबीच शान्ति स्थापना गर्न प्रयासरत ट्रम्पले आफ्नो सामाजिक सञ्जाल ट्रुथ सोसलमा लेखेका छन्, ‘दुवै पक्ष तत्काल युद्धविराम र शान्ति चाहन्छन्।ु उनीहरुले तुरुन्त भेटेर युद्धविराम र अन्ततः शान्ति स्थापना गर्न सहमत भएका छन् ।’
ट्रम्पले भने, ‘जब सबै कुरा पूरा हुन्छ र शान्ति स्थापना हुन्छ, म दुवै देशसँगको व्यापार सम्झौतालाई अन्तिम रूप दिन चाहन्छु।’ अमेरिकी राष्ट्रपतिले युद्धविराम वार्ताको बारेमा कुनै विस्तृत जानकारी दिएनन्। ह्वाइट हाउस वा वाशिंगटनमा रहेका सम्बन्धित देशका दूतावासले यस सम्बन्धमा कुनै जानकारी दिएको छैन।
थाइल्याण्डका कार्यवाहक प्रधानमन्त्री फुमथम वेचाचाइले ट्रम्पलाई धन्यवाद दिँदै थाइल्याण्ड युद्धविराममा सैद्धान्तिक रूपमा सहमत भएको तर कम्बोडियाबाट इमानदार नियत हेर्न चाहेको बताए ।
कम्बोडिया र थाइल्याण्डबीच हालै भएको सैन्य झडप १३ वर्षमा दक्षिणपूर्वी एसियाली छिमेकीहरूबीचको सबैभन्दा ठूलो द्वन्द्व हो। थाइल्याण्डको त्राट प्रान्त र कम्बोडियाको पुर्साट प्रान्तमा शनिबार झडप तीव्र भएको छ, जसले प्रारम्भिक द्वन्द्व क्षेत्रबाट १०० किलोमिटरभन्दा बढी टाढा नयाँ मोर्चा खोलेको छ। थाइल्याण्डले शनिबारसम्म आफ्ना २० व्यक्तिको मृत्यु भएको जनाएको छ। जसमा ७ सैनिक रहेका छन् । यस्तै कम्बोडियाले ५ सैनिक र ८ नागरिक सहित १३ जनाको मृत्यु भएको बताएको छ।
.png)
.jpg)
