(1).gif)
(2).gif)
(1).gif)
.png)
काठमाण्डौ । दिनभर उतारचढावपूर्ण रहेको बजारमा अन्त्यमा सकारात्मक भएर बन्द भएको छ । आज बजार बढेता पनि कारोबार भने अघिल्लो दिनको तुलनामा झण्डै २.२५ अर्बले घटेको छ । आजको कारोबार यस अघिको २० दिने मूभिङ एभरेज भन्दा कम हो ।
यसले बजारमा क्रमशःकारोबार घट्दै गएको बुझिन्छ । बोलिङ्गर ब्याण्डबाट नियाल्दा आज मध्य ब्याण्डमा बजारले सपोर्ट लिएको देखिन्छ । तर बजार फर्कि हाल्यो भन्नलाई अबको कारोबारमा आजको उच्च विन्दु २८९० भन्दा माथि बजार टिक्नु पर्ने हुन्छ । यदि बजार फेरि २९ सय विन्दुमाथि १५ अर्ब कारोबारका साथ लागेमा बजार अप ट्रेन्डमा नै चलेको बुझिने छ ।
.gif)
.gif)
अर्थात आगामी क्याण्डल भोल्यूम सहितको बुलिस प्रकृतिको क्याण्डल बनेको खण्डमा बजारले अप ट्रेन्ड थप निश्चित हुनेछ । म्याक्डीबाट नियाल्दा भने बजारमा प्रष्ट रुपमा वियरिस क्रसओभर देखिन्छ । हिस्टोग्राम नेगेटिभ बनिसकेको छ ।
आरएसआई र एमएफआइ ओभर बट जोनबाट खसेर हाल न्यूट्रल जोनमा चलेको देखिन्छ । पिभट् मार्फत नियाल्दा आज २ हजार ८७५ विन्दुमा बन्द भएको बजारले क्रमश ः २८९०, २९५५ र ३०६८ विन्दुमा प्रतिरोध सामना गर्न सक्छ ।
त्यसैगरि, घटेमा भने २८४२, २८०० र २७७० विन्दुमा सपोर्ट लिन सक्छ । यस हिसाबले आज मध्य ब्याण्डमा सपोर्ट लिएता पनि २९२९ विन्दुमाथि बजार नटिकेसम्म आजको बजारको बढोत्तरी परिपक्क भएको मान्न सकिदैन ।
नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।
.png)
(220).jpg)
.jpg)
.jpg)
