(1).gif)
(2).gif)
.jpg)
(1).gif)
.png)
काठमाण्डौ । बजारमा नगद परिचालन ०.७० प्रतिशतले घटेको छ । नेपाल राष्ट्र बैंकले सार्वजनिक गरेको साउन महिनाको वित्तीय विवरणमा यस्तो देखिएको हो ।
विवरण अनुसार साउन महिनासम्ममा बजारमा ७ खर्ब ४४ अर्ब ८२ करोड रुपैयाँबराबरको नगद परिचालन भएको छ । जुन गत असार महिनाको तुलनामा ०.७० प्रतिशतले कम हो । असार महिनासम्ममा बजारमा ७ खर्ब ५० अर्ब ११ करोड रुपैयाँबराबरको नगद परिचालन भएको थियो ।
.gif)
.gif)
साउन महिनासम्म केन्द्रीय बैंकमा बैंक तथा वित्तीय संस्थाहरुको निक्षेप ३ खर्ब ३० अर्ब ६५ करोड रुपैयाँ पुगेको छ । जुन असार महिनाको तुलनामा १४.९२ प्रतिशतले कम हो । असार महिनासम्म केन्द्रीय बैंकमा बैंक तथा वित्तीय संस्थाको निक्षेप ३ खर्ब ८८ अर्ब ६३ करोड रुपैयाँ थियो ।
यस्तै राष्ट्र बैंकमा सरकारको निक्षेप भने बढेको छ । असार महिनासम्म सरकारी निक्षेप ७० अर्ब ८३ करोड रहेकोमा साउनसम्म बढेर १ खर्ब ९२ अर्ब रुपैयाँ पुगेको छ ।
साउन महिनासम्म राष्ट्र बैंकमा बैंक तथा वित्तीय संस्थाले ९ अर्ब ३८ करोड रुपैयाँबराबरको विदेशी मुद्रा निक्षेप गरेका छन् । असारको अन्त्यसम्म भने यस्तो रकम १०अर्ब ४९ करोड रुपैयाँ थियो ।
साउन महिनासम्ममा राष्ट्र बैंकको कुल स्वेदेशी मुद्रा सम्पत्ति ९६ अर्ब ९७ करोड रुपैयाँ र कुल स्वदेशी मुद्रा दायित्व १९ खर्ब ५४ अर्ब रुपैयाँबराबर रहेको छ ।
यस्तै कुल विदेशी मुद्रा सम्पत्ति २६ खर्ब ६६ अर्ब र कुल विदेशी मुद्रा दायित्व ५१ अर्ब २३ करोड रुपैयाँ रहेको छ ।
.png)
(59)(2)(331).png)
(59)(2)(330).png)
.jpg)
(71).jpg)
(59)(2)(329).png)
