शिव श्री हाईड्रोपावरको लिलामी सेयरको बाँडफाँडमा नपरेकाको रकम फिर्ता भुक्तानी आजदेखि

काठमाण्डौ । शिव श्री हाईड्रोपावर लिमिटेडको लिलामी राखिएको अवितरित हकप्रदमा आवेदन दिई बाँडफाँडमा नपरेकाको रकम फिर्ता भुक्तानी आजदेखि हुने भएको छ । धितोपत्र निष्कासन तथा बिक्री प्रबन्धक सिटिजन्स क्यापिटलका अनुसार आवेदकहरुको बाँडफाँडमा नपरेको सेयर वापतको रकम फिर्ता भुक्तानी मंसिर ९ गतेदेखि आवेदकहरुले आवेदन फारममा उल्लेख गरेको बैंक तथा वित्तीय संस्थाको खातामा आईपीएसमार्फत रकमान्तर गरिनेछ ।

कम्पनीले गत कात्तिक २० गतेदेखि २७ गतेसम्म बोलकबोल प्रक्रियामार्फत बिक्रीमा राखेको ८ लाख ६५ हजार ८४५ कित्ता अवितरित हकप्रद सेयर सेयरको शिलबन्दी बोलपत्र मंसिर ३ खोली मंसिर ८ गते बाँडफाँड गरिएको थियो ।

उक्त बाँडफाँडको अन्तिम  मूल्य(कटअफ प्राइस) सर्वसाधारण समूहतर्फ १४० रुपैयाँ निर्धारण गरिएको छ । उक्त मूल्यमा बोलपत्र पेश गर्नेहरुलाई सापेक्षिक भार अनुसार समानुपातिक रुपमा बाँडफाँड गरिएको बिक्री प्रबन्धक सिटिजन्स क्यापिटलले जनाएको छ ।