(2).gif)
.png)
काठमाण्डौ । क्रिसमसको अवसरमा केएल दुगर ग्रुपका सदस्यहरुले गोकर्णेश्वरस्थित सुनौलो पाइला अनाथालयलाई १ हजार लिटरको पानी ट्यांकी प्रदान गर्नुका साथै त्यहाँ रहेका बालबालिकाहरुलाई विभिन्न उपहारहरु बाँडेको छ। कम्पनीले कक्षा १ देखि ८ सम्म अध्ययन गरिरहेका ६ देखि १६ वर्षका ९ जना बालबालिकालाई उपहार वितरण गरेको हो।
यो भेट बालबालिकाका अनुहारमा मुस्कान ल्याउन र उनीहरूको क्रिसमस खुशीमय बनाउनको गरिएको हो। केएल दुगर ग्रुपकी कार्यकारी निर्देशक सृष्टि दुगर भन्छिन्, ‘बालबालिकाको जीवनमा साना क्षणहरुले पनि ठूलो फरक पार्न सक्दछ। उनीहरूको अनुहारमा देखिएको मुस्कान र खुशीले हामीलाई आफ्नो कर्तव्यको महत्त्व अझै बुझाएको छ।’
उपहार वितरण बाहेक, कम्पनीका प्रतिनिधिहरूले अनाथालयमा उल्लेखनीय समय बिताएका छन्। बालबालिकासँगै एउटै स्थानमा खाना खाँदै गरिएका रमाइला कुराकानी र विभिन्न गतिविधिहरूले यस दिनलाई अझ स्मरणीय बनाएको छ।
कम्पनीको अनुसार यो कार्यक्रम समाजप्रति जिम्मेवारी पूरा गर्ने निरन्तर प्रयासको एक हिस्सा हो। कम्पनीले आगामी दिनहरूमा पनि यस्ता सामाजिक कार्यहरू निरन्तर गर्ने र हरेक समुदायमा सकारात्मक परिवर्तन ल्याउने प्रतिबद्धता व्यक्त गरेको छ।
.png)
.jpg)
.webp)
.jpg)
