सुनको मूल्य हालसम्मकै उच्च, चाँदी पनि किर्तिमानी उचाईमा

काठमाण्डौ । गत शुक्रबार पहिलोपटक ३ लाख रुपैयाँको आँकडा पार गरेको सुनको भाउले आजपनि नयाँ रेकर्ड कायम गरेको छ । आजको कारोबारमा सुनको भाउ २ हजार ४ सय रुपैयाँले बढेको छ ।

यो वृद्धिसँगै सुनको मूल्य प्रतितोला ३ लाख ३ हजार ८ सय रुपैयाँ पुगेको छ । यो मूल्य हालसम्मकै उच्च हो ।

गत शुक्रबार पनि सुनको भाउ हालसम्मकै उच्च कायम भएको थियो । उक्त दिन एक तोला सुनको मूल्य ३ लाख १ हजार ४ सय कायम थियो ।

यस्तै आज चाँदीको भाउले पनि नयाँ रेकर्ड राखेको छ । चाँदी आज २९० रुपैयाँले बढ्दै प्रतितोला ६ हजार ४८० रुपैयाँ कायम भएको छ ।