६ बीमा कम्पनीको मात्रै सेयरभाउ बढ्यो, सर्वाधिक गुमाउनेमा क्रेष्ट माइक्रो लाइफ

काठमाण्डौ । साताको दोस्रो कारोबार दिन सेयरबजारमा सामान्य अंकको गिरावट आएको छ । नेप्से परिसूचक ८.१६ अंकले घटेर २६६२.९१ विन्दुमा कायम भएको छ ।  

नेप्सेमा सूचीकृत ३३५ कम्पनीको १ करोड ९६ लाख १६ हजार ३९५ कित्ता सेयर किनबेच हुँदा ७ अर्ब ९४ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेका छन् । जीवन बीमा समूह ०.४५ प्रतिशत र निर्जीवन बीमा समूह ०.४६ प्रतिशतले घटेको छ ।  

आज ६ बीमा कम्पनीको सेयरभाउ बढेको छ । सर्वाधिक कमाउनेमा हिमालयन एभरेष्ट इन्स्योरेन्स कम्पनी रहेको छ । कम्पनीको सेयरभाउ ०.८८ प्रतिशतले बढेर ५०६.४० रुपैयाँ पुगेको छ ।  

त्यस्तै, नेपाल इन्स्योरेन्सको ०.६० प्रतिशत, सगरमाथा लुम्बिनीको ०.६२ प्रतिशत, एशियन लाइफको ०.२५ प्रतिशत, हिमालयन लाइफको ०.८० प्रतिशत र एलआइसी नेपालको ०.२४ प्रतिशतले बढेको छ ।  

आज सर्वाधिक गुमाउने बीमा कम्पनीमा भने क्रेष्ट माइक्रो लाइफ रहेको छ । कम्पनीको सेयरभाउ ४.२४ प्रतिशतले घटेर १३८५ रुपैयाँ कायम भएको छ ।  

त्यस्तै, सिटिजन लाइफको ०.८६ प्रतिशत, गार्डियन माइक्रो लाइफको १.०९ प्रतिशत, आइएमई लाइफको ०.२५ प्रतिशत, नेपाल लाइफको ०.४० प्रतिशत, नेशनल लाइफको ०.८७ प्रतिशत, प्रभु महालक्ष्मी लाइफको ०.८१ प्रतिशत, सूर्यज्योति लाइफको १.०३ प्रतिशत, सन नेपाल लाइफको ०.७४ प्रतिशत, सानिमा रिलायन्स लाइफको ०.८२ प्रतिशत, हिमालयन रि को ०.४४ प्रतिशत र नेपाल रि इन्स्योरेन्सको ०.२४ प्रतिशतले घटेको छ ।  

यसका साथै आइजीआई प्रुडेन्सियलको ०.२३ प्रतिशत, नेको इन्स्योरेन्सको ०.६७ प्रतिशत, एनएलजीको ०.४४ प्रतिशत, नेपाल माइक्रो इन्स्योरेन्सको ०.०८ प्रतिशत, प्रभु इन्स्योरेन्सको ०.५५ प्रतिशत, आरबीसीएलको ०.९९ प्रतिशत, सानिमा जिआइसीको ०.८२ प्रतिशत, शिखरको ०.७८ प्रतिशत, सिद्धार्थ प्रिमियरको ०.७५ प्रतिशत र युनाइटेड अजोडको १.७१ प्रतिशतले घटेको छ ।