गुण्डुबाट ओली पक्राउ

काठमाण्डौ । पूर्वप्रधानमन्त्री केपी शर्मा ओलीलाई प्रहरीले शनिबार भक्तपुरको गुण्डुस्थित निवासबाट पक्राउ गरेको छ। प्रहरी टोलीले उनलाई जरुरी पक्राउ पुर्जी थमाउँदै नियन्त्रणमा लिएको हो।

नयाँ सरकार गठनपछि बसेको मन्त्रिपरिषद् बैठकले गौरीबहादुर कार्की नेतृत्वको जाँचबुझ आयोगको प्रतिवेदन कार्यान्वयन गर्ने निर्णय गरेसँगै ओलीमाथि कारबाही प्रक्रिया अघि बढाइएको हो। उक्त आयोगले जेनजी आन्दोलनका घटनाबारे अध्ययन गर्दै ओलीलाई फौजदारी मुद्दामा अनुसन्धान गर्न सिफारिस गरेको थियो।

चैत २४ मा सरकारलाई बुझाइएको प्रतिवेदनका आधारमा मन्त्रिपरिषद्ले पूर्वगृहमन्त्री रमेश लेखकसहित ओलीमाथि पनि कानुनी कारबाही अघि बढाउने निर्णय गरेको थियो। 

पूर्व गृहमन्त्री रमेश लेखकलाई यसअघि नै भक्तपुरको कटुञ्जेस्थित निवासबाट प्रहरीले पक्राउ गरिसकेको छ ।