विद्याथी संगठनमाथिको प्रतिबन्धमा नेकपाको आपत्ति

काठमाण्डौ । नेपाल कम्युनिष्ट पार्टीले सरकारले विभिन्न स्थानमा सुकुम्वासीलाई उठिबास गराएको छ र विद्यार्थी संगठनमाथिको प्रतिबन्धप्रति आपत्ति जनाएको छ ।  

सरकारले हालै देशका विभिन्न स्थानमा सुकुम्वासी परिवारलाई कुनै उचित विकल्पबिना उठिबास गराउने र झुप्रा भत्काउने काम गरेको भन्दै नेपाली कम्युनिस्ट पार्टीले गम्भीर आपत्ति जनाएको हो ।

आइतबार एक विज्ञप्ति जारी गर्दै पार्टीले यस्तो कदमलाई तत्काल रोक्न र प्रभावित परिवारहरूको उचित पुनर्वासको व्यवस्था गर्न सरकारसँग माग गरेको छ ।

विज्ञप्तिमा सुकुम्वासी व्यवस्थापनको नाममा भएका यी गतिविधिले पीडित परिवारहरूलाई थप समस्यामा पारेको र सीमान्तकृत समुदायमा राज्यप्रतिको विश्वास कमजोर हुने जोखिम बढाएको उल्लेख गरिएको छ ।

साथै, नयाँ सरकार गठनसँगै बजारमा महँगी र कालोबजारी बढ्दै गएको भन्दै त्यसलाई तत्काल नियन्त्रण गर्न पनि पार्टीले माग गरेको छ ।  

त्यस्तै, विद्यार्थी संगठनमाथि प्रतिबन्ध लगाउने विषयमा पनि पार्टीले घोर आपत्ति जनाएको छ । यस्तो प्रयासलाई पार्टीले संविधानविपरीत र अस्वीकार्य ठहर गरेको छ । पञ्चायती व्यवस्थाको समयमा समेत सुनिश्चित गरिएको सङ्गठित हुने अधिकार संघीय लोकतान्त्रिक गणतन्त्रमा खोस्ने प्रयास भएको भन्दै गम्भीर चिन्ता व्यक्त गरिएको छ