सरकारी सम्पत्तिको अनिवार्य बीमा गरिने

काठमाण्डौ । सरकारले अब सरकारी सम्पत्तिको बीमा गर्ने भएको छ । केही नेपाल ऐनलाई संशोधन गर्न बनेको अध्यादेशमार्फत बीमा ऐनलाई संशोधन गर्दै सरकारले सार्वजनिक पूर्वाधार निर्माणको बीमालाई अनिवार्य गर्न लागेको हो ।  

सरकारले बीमा ऐन, २०७९ लाई संशोधन गर्दै ऐनको दफा ७२ पछि ७२ क थप गरी सार्वजनिक पूर्वाधार निर्माणको बीमा सम्बन्धी व्यवस्था ल्याएको छ ।  

जसमा ‘सार्वजनिक पूर्वाधार निर्माणको बीमा सम्बन्धी व्यवस्था तोकिएबमोजिम हुनेछ’ भनि उल्लेख गरिएको छ ।  

नेपालमा सरकारी सम्पत्तिको बीमा नहुँदा सरकारले ठूलो क्षति ब्यहोर्नुपर्ने अवस्था छ । जेनजी आन्दोलनमा भएको सरकारी सम्पत्तिको ठूलो क्षतिपश्चात् चौतर्फी सरकारी सम्पत्ति अर्थात् सार्वजनिक पूर्वाधार निर्मार्णको व्यवस्था हुनुपर्ने विषय उठान भएको थियो ।  

सरकारले अध्यादेशमार्फत अब सरकारी सम्पत्तिको बीमा गर्नुपर्ने व्यवस्था ल्याएपश्चात् नेपाल बीमा प्राधिकरणले सोहीबमोजिम सरकारी सम्पत्ति बीमा सम्बन्धि निर्देशिका ल्याउनेछ ।