(1).gif)
(2).gif)
.png)
काठमाण्डौं । लेबनानमा इजरायली सेनाले गरेको पछिल्लो शृङ्खलाबद्ध हवाई आक्रमणमा कम्तीमा ३९ जनाको ज्यान गएको छ ।
लेबनानको स्वास्थ्य मन्त्रालयले दिएको विवरणअनुसार दक्षिणी क्षेत्रहरूमा भएका आक्रमणमा बालबालिकासहित ठूलो संख्यामा नागरिक प्रभावित भएका छन् ।
(2).gif)
.gif)
(1).gif)
सक्सकियेह सहरमा भएको भीषण आक्रमणमा एक बालिकासहित ७ जनाको मृत्यु भएको र १५ जना घाइते भएको जनाइएको छ ।
घाइतेमध्ये तीन जना बालबालिका रहेको अन्तर्राष्ट्रिय सञ्चारमाध्यमहरूले उल्लेख गरेका छन् ।
इजरायली रक्षा बल (आईडीएफ) ले भने आक्रमण हिजबुल्लाहको सैन्य संरचनालाई लक्षित गरी गरिएको दाबी गरेको छ ।
तर, सर्वसाधारणको हताहतीबारे रिपोर्ट आएपछि त्यसको समीक्षा भइरहेको आईडीएफले जनाएको छ ।
यता, नबातियामा भएको अर्को घटनामा ड्रोन आक्रमणबाट एक सिरियाली नागरिक र उनकी १२ वर्षीया छोरी प्रभावित भएका छन् ।
.gif)
(1).gif)
प्रारम्भिक आक्रमणपछि भाग्ने क्रममा पुनः ड्रोन प्रहार हुँदा बालिकाको अवस्था गम्भीर रहेको बताइएको छ ।
हिजबुल्लाहले पनि उत्तरी इजरायलतर्फ ड्रोन आक्रमण गरेको र त्यसमा तीन इजरायली सैनिक घाइते भएको इजरायली सेनाले पुष्टि गरेको छ ।
इजरायलले दक्षिणी लेबनानको सीमावर्ती क्षेत्रमा सैन्य उपस्थिति कायम राखेको छ, जसका कारण धेरै गाउँहरू प्रभावित भएका छन् ।
दुवै पक्षबीच जारी संघर्षका कारण लेबनानमा मानवीय क्षति बढ्दै गएको छ ।
स्वास्थ्य मन्त्रालयका अनुसार पछिल्ला केही महिनामा मात्रै हजारौँको ज्यान गएको र हिंसा अझै रोकिएको छैन ।
एजेन्सी
.png)
.jpg)
.jpg)
