प्रभु महालक्ष्मी लाइफबाहेक सबै बीमा कम्पनीको सेयरभाउ बढ्यो, सर्वाधिक कमाउनेमा क्रेष्ट माइक्रो लाइफ

काठमाण्डौ । सोमबार सेयरबजारमा दोहोरो अंकको बढोत्तरी आएको छ । नेप्से परिसूचक ३८.१९ अंकले बढेर २७८३ विन्दुमा उक्लिएको छ ।  

नेप्सेमा सूचीकृत ३३२ कम्पनीको १ करोड ४ लाख ३९ हजार ४३२ कित्ता सेयर किनबेच हुँदा ४ अर्ब ६१ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक बढेको छ । जीवन बीमा समूह ०.९९ प्रतिशत र निर्जीवन बीमा समूह १.६० प्रतिशतले बढेको छ । आज प्रभु महालक्ष्मी लाइफ इन्स्योरेन्स बाहेक सबै बीमा कम्पनीको सेयरभाउ बढेको छ ।  

सर्वाधिक कमाउनेमा क्रेष्ट माइक्रो लाइफ इन्स्योरेन्स रहेको छ । कम्पनीको सेयरभाउ ५.३७ प्रतिशतले बढेर ११३९.६० रुपैयाँ पुगेको छ ।  

त्यस्तै, एशियन लाइफको १.२१ प्रतिशत, सिटिजन लाइफको ५.३७ प्रतिशत, गार्डियन माइक्रो लाइफको ३.३० प्रतिशत, हिमालयन लाइफको १.६२ प्रतिशत, आइएमई लाइफको १.२६ प्रतिशत, एलआइसी नेपालको ०.२० प्रतिशत, नेपाल लाइफको ०.८१ प्रतिशत, नेशनल लाइफको ०.८४ प्रतिशत, रिलायबल नेपाल लाइफको १.०८ प्रतिशत, सूर्यज्योति लाइफको ०.७७ प्रतिशत, सन नेपाल लाइफको १.५२ प्रतिशत र सानिमा रिलायन्स लाइफको ०.५१ प्रतिशतले बढेको छ ।  

यसका साथै हिमालयन एभरेष्टको १.७९ प्रतिशत, आइजीआई प्रुडेन्सियलको १.१७ प्रतिशत, नेपाल इन्स्योरेन्सको १.७८, नेको इन्स्योरेन्सको १.४९ प्रतिशत, एनएलजीको ०.३६ प्रतिशत, नेपाल माइक्रो इन्स्योरेन्सको ५.३७ प्रतिशत, प्रभु इन्स्योरेन्सको १.३४ प्रतिशत, आरबीसीएलको २.६८ प्रतिशत, सलिकोको ०.९९ प्रतिशत, सानिमा जिआइसीको १.३० प्रतिशत, शिखरको ०.६२ प्रतिशत, सिद्धार्थ प्रिमियरको १.२९ प्रतिशत, युनाइटेड अजोडको ०.८८ प्रतिशत, हिमालयन रि को ३.८३ प्रतिशत र नेपाल रि को २.६६ प्रतिशतले बढेको छ ।  

आज गुमाउनेमा प्रभु महालक्ष्मी लाइफ मात्रै रहेको छ । कम्पनीको सेयरभाउ ०.२१ प्रतिशतले घटेर ४६८ रुपैयाँ कायम भएको छ ।