(1).gif)
(2).gif)
.png)
काठमाण्डौं । मुख्यमन्त्री कृष्ण यादवले मधेश प्रदेशसभाबाट विश्वासको मत पाएपछि आफ्नो नेतृत्वको सरकार जोगाउन सफल भएका छन् ।
शुक्रबार बसेको प्रदेशसभा बैठकमा भएको मतदानमा बहुमत सांसदहरूले यादवको पक्षमा मत दिँदै सरकारलाई निरन्तरता दिएका हुन् ।
(2).gif)
.gif)
प्रदेशसभामा भएको मतदानमा मुख्यमन्त्री यादवको पक्षमा ६२ मत परेको थियो भने विपक्षमा ३६ मत परेको थियो ।
मतदानका क्रममा कुल १०० जना प्रदेशसभा सदस्य उपस्थित थिए ।
नेकपा (एमाले) सरकारमा सहभागी भएपछि मधेश प्रदेशको सत्ता समीकरणमा ठूलो परिवर्तन आएको थियो ।
त्यसपछि नेपाली कांग्रेस, एमाले, नेपाल सङ्घीय समाजवादी पार्टी लगायतका दलहरू यादव नेतृत्वको सरकारको पक्षमा उभिएका हुन् ।
यता जनता समाजवादी पार्टी नेपालले भने मुख्यमन्त्री यादवप्रति असन्तुष्टि जनाउँदै विश्वासको मतको विपक्षमा मतदान गरेको छ ।
जसपा नेपालले आफ्ना मन्त्रीहरूलाई सरकारबाट हटाइएको र राजनीतिक रूपमा बेवास्ता गरिएको आरोप लगाएको छ ।
(2).gif)
पार्टीले आफूहरूसँग औपचारिक रूपमा विश्वासको मत माग्ने पहलसमेत नगरिएको भन्दै सरकारविरुद्ध उभिने निर्णय गरेको जनाएको छ ।
त्यस्तै जनमत पार्टी र राष्ट्रिय प्रजातन्त्र पार्टीले पनि सरकारको विपक्षमा मतदान गरेका छन् ।
विश्वासको मत पाएसँगै यादव नेतृत्वको सरकार तत्कालका लागि सुरक्षित देखिए पनि मधेश प्रदेशको राजनीति भने अझै अस्थिर र संवेदनशील अवस्थामै रहेको विश्लेषण भइरहेको छ ।
सत्ता गठबन्धन फेरबदल, दलहरूबीच बढ्दो अविश्वास र शक्ति सन्तुलनको प्रतिस्पर्धाले आगामी दिनमा मधेस प्रदेशको राजनीतिमा थप उतारचढाव आउन सक्ने संकेत देखिएको राजनीतिक वृत्तको भनाइ छ ।
.gif)
.gif)
(1).gif)
(2).gif)
.png)
(1).jpg)
