(2).gif)
(1).png)
.png)
काठमाण्डौ । यूनाइटेड अजोड इन्स्योरेन्स लिमिटेडले आजदेखि अवितरित हकप्रद सेयर बोलकबोल प्रक्रियामार्फत बिक्रीमा राखेको छ । कम्पनीले गत चैत २६ गतेदेखि वैशाख ३१ गतेसम्म १००ः१० अनुपातमा निष्कासन गरेको हकप्रदमा आवेदन नपरेको कुल ७० हजार ४८० कित्ता सेयर लिलामीमातर्फ बिक्री गर्न लागेको हो ।
जसमा संस्थापक समूहको ६३ हजार ८४७ कित्ता र सर्वसाधारण समूहको ६ हजार ६३३ कित्ता रहेको छ ।
यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ । बोलकबोल पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।
लगानीकर्ताले लक्ष्मी सनराइज क्यापिटल र लक्ष्मी सनराइज बैंकको शाखा कार्यालयहरुः विराटनगर, वीरगञ्ज, जनकपुर, हेटौडा, नारायणगढ, पोखरा, बुटवल, नेपालगञ्ज, विरेन्द्रनगर र धनगढीबाट आवेदन पेश गर्न सक्नेछन् ।
बोलपत्र आवेदन पेश गर्ने अन्तिम मिति असार ८ गते रहेको छ ।
.png)
.jpg)
.webp)
.jpg)
