(2).gif)
.png)
काठमाण्डौ । सुनसरीको कप्तानगञ्ज क्षेत्रमा आइतबार रातिदेखि उत्पन्न तनाव क्रमशः साम्य बन्दै गएको छ।
स्थानीय प्रशासनले सुरक्षा व्यवस्था सुदृढ बनाएसँगै सरकारी छानबिन समिति, जिल्ला सुरक्षा समिति र प्रशासनको संयुक्त टोली घटनास्थलमा पुगेर यथार्थ विवरण संकलन थालेपछि अवस्था पहिलेको तुलनामा शान्त बनेको हो।
टोलीले घटनाका मृतक तथा घाइतेका परिवार, स्थानीय बासिन्दा, प्रत्यक्षदर्शी र अन्य सरोकारवाला पक्षसँग भेटघाट गरी घटनाको पृष्ठभूमि, सुरक्षा निकायको भूमिका र त्यसपछि विकसित परिस्थितिबारे जानकारी लिइरहेको छ।
घटनास्थलमा सुरक्षा निकायको उपस्थिति कायम राखिएको छ भने सम्भावित तनाव दोहोरिन नदिन स्थानीय प्रशासनले निगरानी र समन्वयलाई निरन्तरता दिएको छ।
छानबिन टोलीले संकलित विवरण, प्रत्यक्षदर्शीका बयान र घटनासँग सम्बन्धित अन्य प्रमाणका आधारमा प्रतिवेदन तयार गर्ने बताइएको छ।
स्थानीयस्तरमा संवाद र समन्वय बढेसँगै जनजीवन पनि विस्तारै सामान्यतर्फ फर्किन थालेको छ। यद्यपि प्रशासनले संवेदनशीलता कायम रहेकाले अफवाह र उत्तेजक गतिविधिबाट टाढा रहन सबै पक्षलाई आग्रह गरेको छ।
.png)
_Lf14mWV5Qu.jpg)
