.gif)
(1).gif)
(2).gif)
(5).jpg)
.gif)
.png)
काठमाण्डौ । धितोपत्र बोर्डको अध्यक्ष छनौट समितिका सदस्य उदय कुमार निरौलाको अनुभव नपुगेको भन्दै राष्ट्रिय सूचना आयोगमा सूचना माग भएको छ । निरौलाको अनुभव नपुगेका कारण छनौट समितिमा रहन अयोग्य रहेको भन्दै आयोगमा सूचना माग भएको हो ।
नेपाल सरकारले राष्ट्रिय योजना आयोगका उपाध्यक्षको नेतृत्वमा धितोपत्र बोर्डको अध्यक्ष छनौटका लागि ३ सदस्य सम्मिलित समिति बनाएको थियो । जसमा अर्थ मन्त्रालयका सचिवसहित एक पूँजीबार विज्ञ हुनु पर्ने व्यवस्था रहेको छ । हाल धितोपत्र बोर्डको अध्यक्ष छनौट समितिको सदस्य हुन नेपालको मान्यता प्राप्त शिक्षण संस्थाबाट कम्तीमा स्नाकोत्तर तह उत्तिण गरेको हुनुपर्छ ।
निरौलाले त्रिभुवन विश्वविद्यालयबाट एमफिलसम्मको अध्यन गरेका कारण उनको शैक्षिक योग्यतामा भने कुनै प्रश्न उठेको छैन । तर उनको पूँजीबजार सम्बन्धित योग्यता भने नपुगेको उजूरीकर्ता हरि बहादुर केसीले दाबी गरे । केसी भन्छन्, ‘छनौट समितिमा रहन पूँजी बजारमा कुनै संगठित संस्थामा कार्यकारी भूमिकामा ७ वर्षको कार्यानुभव आबश्यक हुन्छ । तर उनले पेश गरेको अनुभवमा पूँजी बजारसंग सम्बन्धित कार्यानुभव नपुगेको देखिन्छ ।’
(1).gif)
निरौलाले पेश गरेको अनुभवमा शंकरदेव क्याम्पस र गोल्डेन गेट कलेजमा सन् २००७ सालदेखि शिक्षण पेशामा आवद्ध रहेको उल्लेख छ । त्यसैगरि, उनले पेश गरेको अनुभवपत्रमा एक्सटान्ट फाउण्डेशनमा नामक एनजीओको प्रमूख कार्यकारी रहेको उल्लेख छ । जुन भनेको पूँजीबजारसँग सम्बन्धित नरहेरको केसीको दाबी छ ।
धितोपत्र ऐनअनुसार अध्यक्ष छनौटको लागि उदय निरौलाका आबश्यक योग्यता पुगे पनि अनुभव भने नपुगेको तर्क केसीको रहेको छ । यहि कारण उनले अध्यक्षका लागि सिफारिस गरेको व्यक्ति स्वतःअयोग्य हुने उनले बताए । ‘यो नक्कली डाक्टरले बिरामी जाँचे जस्तै हो । यसमा भ्रष्टाचारको मुद्दा पनि चल्न सक्छ,’ केसीले भने ।
यसै विषयमा केसीले राष्ट्रिय सूचना आयोगमा उजूरी दिएर निरौलाका सम्पूर्ण विबरण माग गरेका छन् । कार्ययोजना प्रस्तसतीकरण तथा अन्तर्वार्तामा २ जना मात्रै सहभागी भएपछि हाल धितोपत्र बोर्डको अध्यक्ष छनौट प्रक्रिया अन्यौलमा रहेको छ ।
(2).gif)
.png)
.gif)
(243).jpg)
.jpg)
.jpg)
.png)
.jpg)
.gif)
