आजसम्म कायम सेयरधनीहरु मात्रै हिमालयन उर्जाको हकप्रद पाउनका लागि योग्य हुने

काठमाण्डौ । हिमालयन उर्जा विकास कम्पनीको हकप्रदका लागि योग्य हुने आज अन्तिम दिन रहेको छ । कम्पनीले हकप्रद निष्कासनका लागि भोलि(असार २० गते) गते एक दिनका लागि बुक क्लोज गर्ने निर्णय गरेकाले आजसम्म कायम सेयरधनीहरुमात्रै कम्पनीद्वारा जारी गरिने हकप्रदका लागि योग्य हुनेछन् ।

कम्पनीले हाल कायम चुक्तापूँजी ९९ करोड रुपैयाँबराबरको रु १०० अंकित दरका ९९ लाख कित्ता हकप्रद सेयर निष्कासन गर्ने तयारी गरेको छ । कम्पनीले शतप्रतिशत हकप्रद निष्कासनका लागि नेपाल धितोपत्र बोर्डबाट गत असार ७ गते स्वीकृति पाएको थियो ।