काठमाण्डौ–कुवेत उडान पुनःसुरु गर्दै हिमालय एयरलाइन्स

काठमाण्डौ । हिमालय एयरलाइन्सले काठमाण्डौ–कुवेत सिधा उडान पुनःसुरु गर्ने भएको छ । कम्पनीले आगामी अगस्ट २० देखि कुवेतमा आफ्नो सिधा उडान सुरु गर्ने लागेको हो ।

कुवेतमा रोजगारीको सिलसिलामा गएका नेपालीहरुको मागलाई सम्बोधन गर्न र दुईदेशीबचको पर्यटनलाई प्रवद्धन गर्न पुनः उडान सेवा सुरु गर्न लागिएको कम्पनीले जनाएको छ । कम्पनीले तत्कालका लागि सातामा एक उडान मात्रै गर्ने योजना बनाएको छ । पछि माग बढ्दै गए उडान पनि थपिदै जाने कम्पनीले जनाएको छ ।

कम्पनीले कुवेतका लागि जनरल सेल्स एजेन्टका रूपमा सिजर्स ट्राभल ग्रुपलाई नियुक्त गरेको छ ।