दिनभर २६७० विन्दुमा प्रतिरोध सामना गरेको बजारको अबको सम्भावना कस्तो ? (प्राविधिक विश्लेषण)

काठमाण्डो । आज सेयर बजारले दिनभर २६७० को विन्दुमा प्रतिरोध सामना गरेको छ । कारोबारको पहिलो सत्रमा करिब २० अंक बढेर २६८४ विन्दुसम्म पुगेको बजार पुनः २६६० विन्दुसम्म आयो ।  

त्यसपछि बजारले निरन्तर रुपमा ३ पटकसम्म २६७० विन्दुमा प्रतिरोध सामना गरेर २६४५ विन्दुमा बन्द भएको छ । अघिल्लो दिनको तुलनमा आज बजार घट्दा कारोबार भने बढेको छ । जसलाई नाफा बुक भएको मान्न सकिन्छ । आज २६ सय ४५ मा बन्द भएको बजारले अब २६ सय ३१ विन्दुमा बलियो सपोर्ट लिन सक्छ ।  

त्यहाँबाट पनि तल खसको अवस्थामा भने बजारले अर्को बलियो सपोर्ट २५ सय ८० को विन्दुमा लिन सक्छ । डेली बेसमा बोलिङ्गर ब्याण्डबाट नियाल्दा बजारले मध्य ब्याण्ड नजिक अर्थात २६०० विन्दुमा पनि सपोर्ट लिन सक्छ । म्याक्डीबाट नियाल्दा बजारले करिब बियरिस क्रसओभर हुँदै गरेको अबस्था देखिन्छ । तर हालसम्म भईसकेको अवस्था भने होइन । डेली बेसमा आरएसआई भने आज न्यूट्रल जोन भन्दा तल खसेको छ । यसले बजारमा बिक्री दबाव परेको मान्न सकिन्छ । समग्रमा सबै इन्डिकेटबाट नियाल्दा बजारमा बिक्री दबाब रहेको देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।