आजका शीर्ष १० ब्रोकरमध्ये कुनबाट भयो सर्वाधिक खरिदबिक्री ?

काठमाण्डौ । साताको अन्तिम कारोबार दिन आज सेयर बजारमा ८ अर्ब ३६ करोड रुपैयाँ बढीको सेयर कारोबार भएको छ । आजका शीर्ष १० ब्रोकरमा ६ वटाबाट उच्च खरिद भएको छ भने ४ वटाबाट बिक्री भएको छ ।  

आज नासा सेक्युरिटिजबाट सर्वाधिक सेयर कारोबार भएको छ । यो ब्रोकरबाट आज कुल १ अर्ब ३३ करोड बढीको कारोबार भएको छ । जसमध्ये ७६ करोड ४२ लाख रुपैयाँबराबरको खरिद र ५७ करोड १ लाख बढीको बिक्री भएको छ ।  

यस्तै दोस्रो स्थानमा रहेको इम्पिेरियल सेक्युरिटिजबाट कुल ६५ करोड १ लाखको कारोबार भएको छ । जसमा २९ करोड २३ लाखको खरिद र ३५ करोड ७७ लाख रुपैयाँको बिक्री भएको छ ।  

तेस्रो स्थानमा रहेको सनि सेक्युरिटिजबाट कुल ५६ करोड ७९ लाख रुपैयाँबराबरको कारोबार भएको छ । जसमा २७ करोड ३५ लाखको खरिद र २९ करोड ४४ लाखबराबरको बिक्री रहेको छ ।  

चौथो स्थानमा रहेको भिजन सेक्युरिटिजबाट ५३ करोड १४ लाख बढीको सेयर कारोबार भएको छ । जसमा २६ करोड ७१ लाखको खरिद र २६ करोड ४२ लाखको खरिद रहेको छ ।  

पाँचौं स्थानमा रहेको आर्यतारा इन्भेष्टमेन्टबाट आज ४७ करोड ९ढ लाख रुपैयाँबराबरको कारोबार भएको छ । जसमा २४ करोड ५१ लाखको खरिद र २३ करोड ४७ लाखको बिक्री भएको छ ।  

छैठौं स्थानमा रहेको अनलाइन सेक्युरिटिजबाट आज कुल ४६ करोड ८६ लाख बढीको सेयर कारोबार भएको छ । जसमा २४ करोड ६७ लाखको खरिद र २२ करोड १८ लाखको बिक्री रहेको छ ।  

सातौं स्तानमा रहेको दीपशिखा धितोपत्रबाट आज ४५ करोड ३७ लाखबराबरको कारोबार भएको छ । जसमा २० करोड ५५ लाखको खरिद र २४ करोड ८१ लाखको बिक्री रहेको छ ।  

आठौं स्थानमा रहेको एबीसी सेक्युरिटिजबाट ४४ करोड २५ लाखको कारोबार भएको छ । जसमा २३ करोड ६२ लाख बढीको खरिद र २० करोड ६२ लाख बढीको बिक्री रहेको छ ।  

नवौं स्थानमा रहेको लिञ्च स्टकबाट ४२ करोड ४० लाखको कारोबार भएको छ । जसमा १७ करोड ६१ लाखको खरिद र २४ करोड ७८ लाख बढीको बिक्री रहेको छ ।  

दशौं स्थानमा रहेको क्यापिटल म्याक्स सेक्युरिटिजबाट ४२ करोड १२ लाख बढीको कारोबार भएको छ । जसमा २१ करोड ३७ लाख बढीको खरिद र २० करोड ७४ लाख बढीको बिक्री भएको छ ।