नेपाल ल्युव आयलले २ सय प्रतिशत हकप्रद ल्याउने, सेबोनसँग अनुमति माग

काठमाण्डौ । नेपाल ल्युव आयल लिमिटेडले हकप्रद निष्कासनको अनुमति माग गर्दै नेपाल धितोपत्र बोर्डसमक्ष आवेदन दिएको छ । कम्पनीले १ः२ अर्थात २०० प्रतिशत हकप्रद निष्कासनका लागि बोर्डसँग स्वीकृती माग गरेको हो ।  

कम्पनीले चैत २७ गते आवेदन दिएको छ । बोर्डबाट कम्पनीको आवेदन स्वीकृत भएपश्चात कम्पनीले १४ करोड ५७ लाख २५ हजार ३६० रुपैयाँको रु.१०० अंकित दरका १४ लाख ५७ हजार २५३.६० कित्ता हकप्रद निष्कासन गर्नेछ ।  

कम्पनीको हकप्रद निष्कासन तथा बिक्री प्रबन्धकको रुपमा एनआईएमबी एस क्यापिटल लिमिटेड रहेको छ । कम्पनीको गत माघ २९ गते बसेको विशेष साधारण सभाले हकप्रद निष्कासनको प्रस्ताव पारित गरेको थियो ।