(1).gif)
(1).gif)
.gif)
.png)
काठमाण्डौ । पाकिस्तानले भारतले आगामी २४ देखि ३६ घण्टाभित्र आफ्नो विरुद्ध सैन्य कारबाही गर्न सक्ने दाबी गरेको छ । पाकिस्तानका सूचना तथा प्रसारण मन्त्री अताउल्लाह तरारले पाकिस्तानलाई यसबारे गुप्तचर सूचना प्राप्त भएको बताएका छन् ।
अताउल्लाह तरारले आज बिहान ३ बजे आफ्नो एक्स अकाउन्टमा भिडियो पोस्ट गर्दै यस्तो दाबी गरेका हुन् ।भिडियोमा तारारले भनेका छन्, ‘पाकिस्तानसँग पहलगाम घटनामा संलग्नताको आधारहीन र मनगढन्ते आरोपको बहानामा आगामी २४–३६ घण्टामा पाकिस्तान विरुद्ध सैन्य कारबाही गर्ने योजना रहेको विश्वसनीय गुप्तचरहरूले जानकारी दिएका छन्। पाकिस्तान आफैं आतंकवादको शिकार भएको छ र वास्तवमा यो संकटको पीडा बुझ्दछ। हामीले सधैं विश्वमा यसको सबै रूप र अभिव्यक्तिहरूमा ९आतंकवाद० को आलोचना गरेका छौं।’
तरारले भारतले गरेको कुनै पनि सैन्य कारबाहीलाई पाकिस्तानले निश्चित र निर्णायक ढंगले जवाफ दिने बताएका छन् ।
यसअघि पाकिस्तानका रक्षामन्त्री ख्वाजा आसिफले पनि एक अन्तर्वार्तामा भारतले छिट्टै आक्रमण गर्ने बताएका थिए । अप्रिल २२ मा जम्मू कश्मीरको पहलगाममा चरमपन्थी हमला भएको थियो, जसमा २६ जनाको मृत्यु भएको थियो। त्यसयता भारत र पाकिस्तानबीच तनाव बढेको छ ।
(1).gif)
(1).gif)
(2).gif)
.png)
.gif)
.jpg)
(1).gif)
