एलिभेसन इनर्जी म्यानेजमेन्टले आईपीओ निष्कासन गर्ने

काठमाण्डौ । एलिभेसन इनर्जी म्यानेजमेन्ट लिमिटेडले विशेष साधारण सभामार्फत आईपीओ निष्कासनको प्रमुख एजेण्डा पारित गर्ने भएको छ । आगामी जेठ २ गते काठमाण्डौको त्रिपुरेश्वरमा रहेको कम्पनीको कार्यालयमा बिहान ८ बजेदेखि सुरु हुने सभाबाट उक्त प्रस्ताव पारित गरिनेछ ।

कम्पनीको वैशाख १७ गते बसेको सञ्चालक समितिको बैठकले विशेष साधारण सभा आह्वान गरेको हो ।

उक्त सभामा आईपीओ निष्कासनको प्रस्ताव पारित गरिनुका साथै कम्पनीको प्रबन्धपत्र तथा नियमावली संशोधन गर्ने र यस विषयमा नियमनकारी निकायबाट कुनै संशोधन गर्न निर्देशन प्राप्त भएमा सोही बमोजिम गर्न सञ्चालक समितिलाई पूर्ण अख्तिायारी प्रदान गर्ने प्रस्ताव समेत पारित गरिनेछ ।