(1).gif)
(1).gif)
.gif)
.jpg)
.png)
काठमाण्डौ । अमेरिकी राष्ट्रपति डोनाल्ड ट्रम्पले एलन मस्कको नयाँ राजनीतिक दल बनाउने निर्णयको खिल्ली उडाउँदै त्यो सफल नहुने दाबी गरेका छन् । मस्कको ‘अमेरिका पार्टी’लाई हास्यास्पद भन्दै ट्रम्पले देशले परम्परागत रूपमा दुई दलीय व्यवस्थामा विश्वास गरेको र तेस्रो राजनीतिक दललाई कुनै ठाउँ नभएको बताए ।
राष्ट्रपति चुनावका बेला ट्रम्पका सहयोगी रहेका व्यवसायी मस्कले ‘वान बिग ब्यूटीफुल बिल’लाई लिएर विवाद भएपछि नयाँ पार्टी गठनको घोषणा गरेका हुन् । डोनाल्ड ट्रम्पले मस्कको ‘अमेरिका पार्टी’ घोषणामा भने, ‘मलाई लाग्छ यो अपरिपक्व कदम हो। हामीले रिपब्लिकन पार्टीसँग ठूलो सफलता पाएका छौं। लोकतान्त्रिक पार्टीले आफ्नो बाटो र विश्वास गुमाएको छ तर देशमा सधैं दुई दलीय व्यवस्था रहेको छ। मलाई लाग्छ कि तेस्रो पक्षको परिचयले मात्र भ्रम थप्नेछ। तेस्रो पक्षहरू कहिल्यै सफल भएका छैनन्, मस्कले यससँग रमाइलो गर्न सक्छन्।’
अमेरिकी राष्ट्रपति ट्रम्पले सामाजिक सञ्जाल प्लेटफर्म ट्रुथ सोसलमा पनि मस्कको नयाँ पार्टीलाई लिएर प्रतिक्रिया दिएका छन् । उनले लेखेका छन्, ‘विगत पाँच हप्तामा एलन मस्कलाई पूरै पटरीबाट खसेको देख्दा मलाई दुःख लागेको छ । अमेरिकामा कहिल्यै सफल हुन नसकेको थाहा हुँदाहुँदै पनि उनी तेस्रो राजनीतिक दल खोल्न चाहन्छन् । तेस्रो पक्षहरूका लागि राम्रो कुरा भनेको अराजकता सिर्जना गर्नु हो।’
(1).gif)
(1).gif)
(2).gif)
.png)
.gif)
.jpg)
(1).gif)
