२ बीमा कम्पनीको मात्रै सेयरभाउ बढ्यो, सर्वाधिक गुमाउनेमा सानिमा जिआइसी

काठमाण्डौ । साताको तेस्रो कारोबार दिन सेयरबजारमा दोहोरो अंकको गिरावट आएको छ । नेप्से परिसूचक २७.६४ अंकले घटेर २५९५.२४ विन्दुमा कायम भएको छ । नेप्सेमा सूचीकृत ३२२ कम्पनीको १ करोड ३ लाख ४३ हजार ८९८ कित्ता सेयर किनबेच हुँदा ५ अर्ब १५ करोड रुपैयाँमाथिको सेयर कारोबार भएको छ । 

आज बीमा समूहका दुईवटै उपसूचक घटेको छ । जीवन बीमा समूह १.४४ प्रतिशत र निर्जीवन बीमा समूह १.२१ प्रतिशतले घटेको छ । आज एनएलजी इन्स्योरेन्स र आरबीसीएलको मात्रै सेयरभाउ बढेको छ । एनएलजीको सेयरभाउ ०.५८ प्रतिशतले बढेर ७४९ रुपैयाँ पुगेको छ भने आरबीसीएलको सेयरभाउ ०.०७ प्रतिशतले बढेर १४ हजार ९९५ रुपैयाँ पुगेको छ । 

त्यस्तै, आज सर्वाधिक गुमाउने बीमा कम्पनीमा भने सानिमा जिआइसी इन्स्योरेन्स रहेको छ । कम्पनीको सेयरभाउ ३.८६ प्रतिशतले घटेर ६३१ रुपैयाँ कायम भएको छ । त्यस्तै, हिमालयन एभरेष्टको ३ प्रतिशत, आइजीआई प्रुडेन्सियलको १.१५ प्रतिशत, नेको इन्स्योरेन्सको ३.३१ प्रतिशत, नेपाल माइक्रो इन्स्योरेन्सको २.१३ प्रतिशत, प्रभु इन्स्योरेन्सको १.३३ प्रतिशत, सलिकोको ०.५६ प्रतिशत, शिखर इन्स्योरेन्सको १.४१ प्रतिशत, सिद्धार्थ प्रिमियरको १.६९ प्रतिशत र युनाइटेड अजोडको १.७२ प्रतिशतले घटेको छ ।

यसका साथै एशियन लाइफको २.७९ प्रतिशत, सिटिजन लाइफको १.०६ प्रतिशत, क्रेष्ट माइक्रो लाइफको २.६२ प्रतिशत, गार्डियन माइक्रो लाइफको १.२१ प्रतिशत, हिमालयन लाइफको १.२९ प्रतिशत, आइएमई लाइफको ०.५७ प्रतिशत, एलआइसी नेपालको १.८३ प्रतिशत, नेपाल लाइफको १.८३ प्रतिशत, नेशनल लाइफको २.०४ प्रतिशत, रिलायलब नेपाल लाइफको १ प्रतिशत, सूर्यज्योति लाइफको १.१६ प्रतिशत, सन नेपाल लाइफको १.०६ प्रतिशत र सानिमा रिलायन्स लाइफको ०.९३ प्रतिशतले घटेको छ । 

यता पुनर्बीमातर्फ हिमालयन रि को सेयरभाउ २.६२ प्रतिशतले घटेर ८१७ रुपैयाँ र नेपाल रि को सेयरभाउ २.१२ प्रतिशतले घटेर १३४९.८० रुपैयाा कायम भएको छ ।