ट्रम्पद्वारा भेनेजुएला आवतजावत गर्ने प्रतिबन्धित तेल ट्याङ्करमाथि नाकाबन्दी गर्ने आदेश

काठमाण्डौ । अमेरिकी राष्ट्रपति डोनाल्ड ट्रम्पले भेनेजुएला प्रवेश गर्ने र बाहिरिने सबै प्रतिबन्धित तेल ट्याङ्करमाथि पूर्ण नाकाबन्दी गर्ने आदेश दिएका छन् । सामाजिक सञ्जालमा एउटा पोस्टमा ट्रम्पले भेनेजुएलालाई आतंकवाद, लागूपदार्थको तस्करी र मानव बेचबिखनमा संलग्न भएको आरोप लगाउदै लेखेका छन्, ‘त्यसैले, आज म भेनेजुएला प्रवेश गर्ने र छोड्ने सबै स्वीकृत तेल ट्याङ्करहरूको पूर्ण र पूर्ण नाकाबन्दीको आदेश दिन्छु।’

एक साताअघि अमेरिकाले भेनेजुएलाको तट नजिकै एउटा तेल ट्याङ्कर नियन्त्रणमा लिएको थियो । यो कदमलाई भेनेजुएलाका राष्ट्रपति निकोलस मदुरोले ‘पाइरेसी’ भनेका छन् । ट्रम्पको यो नयाँ आदेशले अन्तर्राष्ट्रिय स्तरमा तेलको मूल्यमा ठूलो उतारचढाव आउने अपेक्षा गरिएको छ ।

अमेरिकाले क्यारेबियन क्षेत्रमा आफ्नो वायुसेना र नौसेना तैनाथ गरेको छ । यसमा आणविक शक्तिबाट चल्ने पनडुब्बी, जासुसी विमान र १५ हजार सैनिकहरू समावेश छन्। अमेरिकाले यस क्षेत्रमा धेरै डुङ्गामाथि आक्रमण गरिसकेको छ, जसमा अहिलेसम्म ८० भन्दा बढी मानिसको मृत्यु भइसकेको छ ।