वीरगञ्ज भन्सार कार्यालयबाट उठ्यो १.१६ अर्ब राजश्व

काठमाण्डौ । वीरगञ्ज भन्सार कार्यालयले चालु आर्थिक वर्षको पहिलो ६ महिनामा कुल १ खर्ब १६ अर्ब ५८ करोडबराबरको राजश्व संकलन गरेको छ।

भन्सार कार्यालयका अनुसार सो अवधिमा पेट्रोलियम पदार्थको आयातबाट मात्रै ३७ अर्ब ८५ करोड राजश्व संकलन भएको छ । जुन कुल राजस्वको सबैभन्दा ठूलो हिस्सा हो।

त्यसैगरी, यातायातका साधन तथा तिनका पार्टपुर्जाको आयातबाट १३ अर्ब ९८ करोड राजस्व उठेको छ। चालु आवको पहिलो ६ महिनामा फलाम तथा फलामबाट बनेका सामानको आयातबाट रू ६ अर्ब ८३ करोड, कपडा आयातबाट रू ५ अर्ब २६ करोड र इलेक्ट्रिक मेसिनरी, उपकरण तथा तिनका पार्टपुर्जाबाट रू ४ अर्ब ९१ करोड राजस्व संकलन भएको छ।

यसैगरी, मदिराजन्य पेय पदार्थको आयातबाट १ अर्ब ८३ करोड र शृङ्गार सामग्रीको आयातबाट १ अर्ब ८१ करोड राजस्व उठेको भन्सार कार्यालयले जनाएको छ।