भित्रियो ४.७१ लाख मेट्रिक टन रासायनिक मल

काठमाण्डौ । कृषि तथा पशुपन्छी विकास मन्त्रालयले चालु आर्थिक वर्ष २०८२÷८३ मा रासायनिक मलको आपूर्ति सन्तुलित र समयमै भइरहेको जनाएको छ। साउनदेखि फागुन पहिलो सातासम्म ४ लाख ७१ हजार ५११ मेट्रिक टन मल आयात भइसकेको छ, जसमा युरिया, डिएपी र पोटास प्रमुख छन्।

मन्त्रालयका अनुसार हालसम्म २ लाख ७८ हजार ७७३ मेट्रिक टन युरिया, १ लाख ७५ हजार १५० मेट्रिक टन डिएपी, र १७ हजार ५८७ मेट्रिक टन पोटास देशमा उपलब्ध छन्। त्यस्तै, कृषि सामग्री कम्पनी लिमिटेड र साल्ट ट्रेडिङ कर्पोरेसनसँग हाल १ लाख २७ हजार ४९२ मेट्रिक टन मल मौज्दात रहेको छ।

आगामी महिनामा थप २२ हजार ३०३ मेट्रिक टन युरिया, ७ हजार ७५३ मेट्रिक टन पोटास, र ३ हजार ३३८ मेट्रिक टन डिएपी आपूर्तिमा आउने क्रममा रहेको मन्त्रालयले जानकारी दिएको छ।

चालु आवमा कुल ६ लाख मेट्रिक टन रासायनिक मल खरिद गर्ने लक्ष्य राखिएकोमा हालसम्म ४ लाख ९१ हजार ४०० मेट्रिक टन खरिदका लागि टेन्डर आह्वान भइसकेको छ। यसका लागि चालु आवको बजेटबाट २८ अर्ब ८२ करोड १४ लाख रुपैयाँ विनियोजन गरिएको थियो।

धानबाली लक्षित थप खरिदका लागि कृषि सामग्री कम्पनीले हाल ६० हजार मेट्रिक टन मल ९३० हजार मेट्रिक टन डिएपी र ३० हजार मेट्रिक टन युरिया० टेन्डरमा राखेको छ। आगामी आर्थिक वर्ष २०८३र८४ का लागि अर्थ मन्त्रालयले २० अर्ब रुपैयाँको स्रोत सहमति दिएकाले थप खरिद प्रक्रिया सहज हुने अपेक्षा गरिएको छ।

कम्पनीले टेन्डर मार्फत खरिद गरिएको मल जेठ अन्तिमसम्म किसानको पहुँचमा पुग्ने जनाएको छ।