(2).gif)
.png)
काठमाण्डौ । अमेरिकी राष्ट्रपति डोनाल्ड ट्रम्पले इजरायल र लेबनानबीच जारी युद्धविरामको अवधि थप तीन हप्ताका लागि विस्तार गरिएको घोषणा गरेका छन्। उनले आफ्नो सामाजिक सञ्जाल ट्रुथ सोसलमार्फत यो जानकारी सार्वजनिक गरेका हुन्।
ट्रम्पका अनुसार ओभल अफिसमा इजरायल र लेबनानका उच्चस्तरीय प्रतिनिधिहरूबीच भएको वार्तापछि उक्त निर्णय लिइएको हो। उनले बैठकलाई अत्यन्त सकारात्मक र फलदायी भएको उल्लेख गरेका छन्।
उक्त छलफलमा अमेरिकी उपराष्ट्रपति जेडी भान्स र विदेशमन्त्री मार्को रुबियो पनि सहभागी थिए। ट्रम्पले अमेरिका लेबनानसँग सहकार्य गर्दै त्यसलाई हिजबुल्लाहविरुद्ध आफ्नो सुरक्षा सुदृढ गर्न सहयोग गर्ने बताएका छन्।
यसैबीच, ट्रम्पले निकट भविष्यमा बेन्जामिन नेत्यान्हु र जोसेफ ओउनलाई ह्वाइट हाउसमा आतिथ्य प्रदान गर्ने योजना पनि सार्वजनिक गरेका छन्।
.png)
.jpg)
(1).jpg)
.jpg)
.jpg)
