मिथिला लघुवित्तको सीईओमा मिश्र नियुक्त

काठमाण्डौ । मिथिला लघुवित्त वित्तीय संस्था लिमिटेडको प्रमुख कार्यकारी अधिकृत(सीईओ)मा नगेन्द्र मिश्र नियुक्त भएका छन् । जेठ ७ गते बसेको संस्थाको सञ्चालक समितिको २८८ औं बैठकले मिश्रलाई सीईओ नियुक्त गर्ने निर्णय गरेको हो ।

उनलाई जेठ ७ गतेदेखि लागू हुनेगरी आगामी १ वर्षका लागि सीईओ नियुक्त गरिएको हो । मिश्र संस्थामा डेप्युटी सीईओको रुपमा कार्यतर थिए । 

यसअघिका संस्थाका सीईओ सत्यदेव राउतको कार्यकाल समाप्त भएसँगै संस्थाको सीईओ पद रिक्त थियो । राउतको कार्यकाल जेठ ५ गतेदेखि सकिएको थियो ।