अमेरिकासँगको सम्झौतामा परमाणु कार्यक्रममाथि कुनैपनि प्रतिवद्धता गरिएको छैन: इरानी सरकारी मिडिया

काठमाण्डौ । अमेरिकी विदेशमन्त्री मार्को रुबियोले आइतबार नयाँ दिल्लीमा अमेरिका कुनै पनि हालतमा इरानलाई आणविक हतियार राख्न दिने नदिने बताएका छन्। उनले राष्ट्रपति डोनाल्ड ट्रम्प यस विषयमा स्पष्ट भएको बताएका छन् ।

रुबियोले दुई देशबीच सम्झौताबारे भइरहेको वार्तामा प्रगति भएको छ र छिट्टै राम्रो खबर आउन सक्ने बताए । यद्यपि, इरानको सरकारी मिडियाले भने अमेरिकासँग सम्भावित सम्झौतामा आणविक हतियारबारे कुनै वार्ता नभएको बताएका छन् ।

इरानको सरकारी समाचार संस्था तसनीमले अमेरिका र इरानबीच कथित सम्झौतासम्बन्धी रिपोर्ट प्रकाशित गरेको छ।

रिपोर्टमा प्रस्तावमा इरानले आफ्नो कुनै पनि आणविक सामग्री हस्तान्तरण गर्ने प्रतिबद्धता नजाएको उल्लेख गरिएको छ । उक्त संस्थाले पश्चिमी मिडियामा यसको उल्टो रिपोर्ट आएको दाबी गरेको छ।

इस्लामिक रिभोलुसनरी गार्ड कोरसँग सम्बन्धित यो समाचार संस्थाले आणविक मुद्दासम्बन्धी वार्तालाई सम्भावित रूपमा युद्ध समाप्त भएपछि सम्मका लागि स्थगित गरिएको जनाएको छ ।

रिपोर्टमा हालको मस्यौदा केवल युद्ध समाप्त गर्ने विषयमा सीमित भएको र यसमा इरानको आणविक कार्यक्रमसँग सम्बन्धित कुनै जानकारी समावेश नभएको उल्लेख छ ।