एनआईसी एशिया बैंक र चन्द्रागिरी हिल्सले हकप्रद निष्कासन गर्न सेबोनसँग मागे अनुमति

काठमाण्डौ । एनआईसी एसिया बैंक लिमिटेड र चन्द्रागिरी हिल्स लिमिटेडले हकप्रद सेयर निष्कासनका लागि नेपाल धितोपत्र बोर्ड (सेबोन)मा अनुमति माग्दै आवेदन दिएका छन् ।

एनआईसी एसिया बैंकले हाल कायम चुक्तापूँजीको ५० प्रतिशत अर्थात् २ः१ अनुपातमा हकप्रद सेयर जारी गर्न प्रस्ताव गरेको हो । सेबोनबाट स्वीकृति प्राप्त भएमा बैंकले प्रतिकित्ता १०० रुपैयाँ  अंकित मूल्यका ७ करोड ४५ लाख ८७ हजार ८३५ कित्ता हकप्रद सेयर निष्कासन गर्नेछ ।  

बैंकको हकप्रद सेयर निष्काशन तथा बिक्री प्रबन्धकका रूपमा एनआईएएमबी एस क्यापिटल नियुक्त गरिएको छ ।

त्यस्तै, चन्द्रागिरी हिल्स लिमिटेडले हाल कायम चुक्तापुँजीको शतप्रतिशत अर्थात् १ः१ अनुपातमा हकप्रद सेयर जारी गर्न सेबोनसँग अनुमति मागेको छ । स्वीकृति प्राप्त भएपछि कम्पनीले प्रतिकित्ता १०० रुपैयाँ अंकित मूल्यका १ करोड ६१ लाख ७ हजार ९५५ कित्ता हकप्रद सेयर निष्कासन गर्नेछ । कम्पनीको हकप्रद सेयर निष्कासन तथा बिक्री प्रबन्धक ग्लोबल आइएमई क्यापिटल रहेको छ ।