_New.gif)
.gif)
.png)
काठमाण्डौ । नगदको समस्यासँग जुधिरहेको पाकिस्तानले २० रुपैयाँदेखि ५००० रुपैयाँसम्मको नयाँ नोट जारी गर्ने तयारी गरेको छ । यस्तो निर्णय पाकिस्तानी सरकारले बढ्दो नक्कली नोटको प्रयोगको समस्या समाधानका लागि गरेको समाचार एजेन्सीहरुले दाबी गरेका छन् ।
स्टेट बैंक अफ पाकिस्तानका गभर्नर जमील अहमदले सुरक्षालाई मध्यनजर गर्दै नयाँ नोटहरुलाई एडभान्स फिचर्सका साथ बजारमा ल्याइने बताएका छन् । यस्तै, करेन्सी सिस्टमलाई थप आधुनिक बनाउनका लागि डिजाइन समेत अपडेट गरिनेछ ।
उनले यस्तो कदमको लक्ष्य पाकिस्तानको मौद्रिक प्रणाली, कारोबार तथा नागरिकबीच विश्वास पैदा गर्नु रहेको दाबी गरेका छन् ।
गभर्नरले भनेका छन् कि नयाँ नोटहरुलाई पुराना नोटहरु बिस्तारै बिस्तारै विस्थापन गर्दै चलनचल्तीमा ल्याइनेछ ।
पीटीआईकाअनुसार पाकिस्तानको केन्द्रीय बैंकले २००५ देखि नयाँ नोटहरु जारी गर्दै आएको छ । त्यहाँ २०, ५०, १००, ५००, १००० र ५००० रुपैयाँको नोट चलनचल्तीमा रहेका छन् ।
मिडिया रिपोर्टहरुमा बताइएको छ कि वैश्विक अर्थतन्त्रसँग तालमेल मिलाउन तथा पाकिस्तानी रुपैयाँको वित्तीय अखण्डता सुनिश्चित गर्नका लागि केन्द्रीय बैंकले प्रतिबद्धता समेत जनाएको छ ।
समाचारअनुसार नयाँ नोटहरुमा कैयन प्रकारका सुरक्षा सम्बन्धी विशेषताहरु थप गरिएका छन् । सरकारले नयाँ नोटमा यस्ता फिचर्स राखेको छ, जसको सजिलै नक्कल गर्न कसैले नसकोस् र नक्कली नोटको दबदबा बजारमा नबनोस् ।
.png)
.jpg)
.jpg)
.gif)
