गोर्खाज फाइनान्सको सेयर संरचना परिवर्तन, सर्वसाधारण र संस्थापकको स्वामित्व कति ?

काठमाण्डौ । गोर्खाज फाइनान्स लिमिटेडको सेयर संरचना परिवर्तन भएको छ । सेयर संरचना परिवर्तपश्चात अब संस्थामा संस्थापक समूहको सेयर स्वामित्व ५१ प्रतिशत र सर्वसाधारण समूहको ४९ प्रतिशत कायम भएको छ ।  

संस्थामा संस्थापक सेयरधनीहरुको स्वामित्वमा रहेको सेयर संख्या ४४ लाख २६ हजार ७६८.३८ कित्ता र सर्वसाधारण सेयरधनीको स्वामित्वमा ४२ लाख ५३ हजार १६९.६२ कित्ता सेयर रहेको छ ।  

संस्थाको नेप्सेमा सूचीकृत कुल सेयर संख्या ८६ लाख ७९ हजार ९३८ कित्ता रहेको छ । नेप्सेले असोज ८ गतेको निर्णयानुसार सेयर संरचना परिवर्तन गर्दै अभिलेख गरिएको जनाएको छ । 

यसअघि संस्थामा  संस्थापक समूहको सेयर स्वामित्व ५७.५१ प्रतिशत र सर्वसाधारण समूहको ४२.४९ प्रतिशत कायम थियो । कम्पनीको गत चैत २ गते सम्पन्न २८ औं र २९ औं वार्षिक साधारण सभाबाट ५१ः४९ अनुपात कायम गर्ने विशेष प्रस्ताव पारित भएको थियो ।