युनिलिभर नेपालद्वारा महिला फुटबल टोलीलाई ट्राभल किट हस्तान्तरण

काठमाण्डौ । युनिलिभर नेपालले राष्ट्रिय महिला फुटबल टोलीका २७ खेलाडी तथा अधिकारीहरूलाई विशेष ट्राभल किट हस्तान्तरण गरेको छ । कम्पनीले राष्ट्रिय महिला फुटबल टोलीको आधिकारिक प्रायोजक रहेको आफ्नो पर्सनल केयर ब्रान्ड डोभमार्फत आज एन्फा कार्यालयमा उक्त सहयोग हस्तान्तरण गरेको हो ।  

दीर्घकालीन साझेदारीबाट फुटबल संस्कृतीलाई बढावा दिन र महिला फुटबलको प्रवर्द्धन र फिफा महिला विश्वकप जस्ता प्रमुख टूर्नामेंटहरूसँग सहकार्य गर्दै आएको युनिलिभरले दर्शकहरूसँग भावनात्मक सम्बन्ध सिर्जना गर्दै सकारात्मक सामाजिक परिवर्तन ल्याउने आशा राखेको जनाएको छ।

नेपाली महिलाहरूले विभिन्न क्षेत्रमा उल्लेखनीय प्रगति गरिरहेको समयमा युनिलिभर नेपालले महिला खेलकुदमा राष्ट्रिय महिला फुटबल टोलीले पार्न सक्ने महत्वपूर्ण प्रभावलाई पहिचान गरेको जनाएको छ ।