विजिनेश जमिरहेको छैन ? आफैंलाई सोध्नुहोस् यी ७ प्रश्न, सफल बन्नुहुनेछ

काठमाण्डौ । विजिनेशमा सधैं सफल नै भइन्छ भन्ने अनिवार्य वा ग्यारेण्टी हुँदैन । कतिपय अवस्थामा असफलताहरुलाई समेत हामीले सहर्ष स्वीकार गर्नुपर्ने हुनसक्छ । यो नियम जीवन, जागिर र विजिनेश, तीनवटैमा एकसाथ लागू हुन्छ । तपाई सफल हुँदा छेउछाउमा धेरै मान्छे हुन्छन्, तर सफल हुँदा तपाई एक्लै पर्न सक्नुुहुन्छ । आफ्नो असफलतालाई तपाईले नै फेरि सफलतामा परिणत गर्नुपर्ने हुनसक्छ । असफल भएको अवस्थामा तपाई आफैंले मात्र आफ्नो राम्रो मद्धत गर्न सक्नुुहुन्छ ।  

जनकारहरुका अनुसार यस्तो अवस्थाबाट बाहिर निस्किने एक मात्र तरिका हो, आफैंले आफैसँग केही प्रश्नहरु गर्ने । यदि तपाई असफल भइरहनुुभएको छ भने आफैंसँग केही सवालहरु गर्नुहोस्, ताकि असफलता मात्र हात लागिरहेको परिस्थितिबाट बाहिर निस्किन तपाईलाई सहज होस् । यी प्रश्नहरुले तपाईको अवस्थामा आमूल परिवर्तन गरिदिंदैनन्, तर आमूल परिवर्तन गर्ने क्षमता भने यी प्रश्नहरुमा हुन्छ । आउनुहोस्, असफलताको जटिल परिस्थितिबाट बाहिर निस्किन आफैंले आफैलाई गर्नुपर्ने ७ प्रश्नहरुको बिषयमा जानौं

प्रश्न १ः के म आफ्नो कामबाट खुशी छु ?

यो प्रश्नको मद्धतबाट जान्न सकिन्छ कि हामी जुन काम गरिरहेका छौ, त्यो सही हो या होइन । यस्तै, यो प्रश्नले आफूले गरिरहेको कामले आगामी दिनमा सफलताको विन्दूसम्म पुर्याउन सक्छ कि सक्दैन भन्ने मूल्यांकन गर्न समेत सहयोग पुर्याउनेछ ।  

प्रश्न २ः के म केही नयाँ कुरा सिकिरहेको छु ?

यो प्रश्नले तपाईले जान्नुुहुनेछ कि अहिले गरिरहेको कामले तपाईलाई अगाडि बढाउन सक्छ कि सक्दैन । यदि केही नयाँ कुरा सिकिरहनुभएको छ भने यही कामलाई जारी राख्नुहोस्, छैन भने यो कामबाट बाहिर निस्किनु नै उत्तम हुन्छ ।  

प्रश्न ३ः के म राम्रो आम्दानी गरिरहेको छु ?

यो प्रश्नबाट तपाईलाई आफ्नो क्षमताको मूल्यांकन गर्न सहज हुनेछ र तपाईले सही काम खोज्ने अवसर पनि पाउनुहुन्छ । साथै, आफ्नो काममा अतिरिक्त इफोर्ट समेत लगाउन सक्नुुहुन्छ ।  

प्रश्न ४ः आफ्ना कर्मचारीसँग मेरो सम्बन्ध राम्रो छ कि छैन ?

यो प्रश्नबाट तपाईलाई थाहा हुन्छ कि कतैं तपाईलाई आफ्नै कर्मचारीका कारणले पो असफलता हात लागिरहेको हो कि भन्ने कुरा बुुझ्न सहज हुन्छ । कर्मचारीसँगको तपाईको नराम्रो सम्बन्ध वा नराम्रो व्यवहारले भनेजस्तो काम गर्न उनीहरु निरुत्साहित भएका र त्यसको असर तपाईको विजिनेशमा पो परिरहेको छ कि भन्ने कुरा बुुझ्न समेत सहज हुनेछ ।  

प्रश्न ५ः के मेरा साथमा हुनेहरुसँग मेरो सम्बन्ध राम्रो छ ?

यो प्रश्नले पनि गरिरहेको काम जारी राख्ने वा परिवर्तन गर्ने भन्ने फैसला लिन सहयोग गर्नेछ ।  

प्रश्न ६ः म जुन विजिनेशमा छ, त्यसको लायक म छ कि छैन ?

यो प्रश्नले तपाईलाई आफ्नो अवस्था तथा कामको सही दिशाको बिषयमा जानकारी दिन्छ । यदि तपाईलाई आफूले गरिरहेको कामका लागि आफू योग्य छैन जस्तो लाग्छ भने यो प्रश्नले यस्तो टिम बनाउन प्रेरित गर्नेछ, जसले तपाईले गर्न नसकेको काम गरिदिनेछ र तपाईलाई सफल बनाइदिनेछ ।  

प्रश्न ७ः यो कामका लागि मेरो अनुभव पर्याप्त छ कि छैन ?

यो प्रश्नले आफ्नो योग्यता अनुसारको जागिर वा काम खोज्न तपाईलाई सहयोग गर्नेछ ।