(2).gif)
(2).jpg)
.png)
काठमाण्डौ । नेपाल बीमा प्राधिकरणले बीमा दाबी प्रक्रियालाई थप सहज, पारदर्शी र प्रभावकारी बनाउन डिजिटल ट्र्याकिङ प्रणाली लागू गर्ने भएको छ ।
प्राधिकरणले सबै बीमा कम्पनीहरूलाई बीमितले गरेको दाबीको अवस्थाबारे जानकारी पाउने गरी यस्तो प्रणाली तीन महिनाभित्र अनिवार्य रूपमा लागू गर्न निर्देशन दिएको हो ।
प्राधिकरणका अनुसार डिजिटल ट्र्याकिङ प्रणालीमार्फत बीमितले बीमा दाबीको सूचना बीमा कम्पनीलाई अवगत गराएपछि दाबी भुक्तानी हुँदासम्मका प्रत्येक चरणको जानकारी अब डिजिटल रुपमै प्राप्त हुनेछ ।
बीमा दाबी भुक्तानी प्रक्रियामा देखिने ढिलाइ र झन्झटबारे सर्वसाधारण तथा सरकारी निकायबाट समेत गुनासो आउने गरेको भन्दै प्राधिकरणले सुधारका लागि यस्तो व्यवस्था गर्न लागेको हो ।
यो प्रणाली लागू भएपछि बीमितले आफ्नो बीमा दाबी कुन चरणमा पुग्यो र के कारणले दाबी प्रक्रिया अड्किएको छ भन्ने सम्पूर्ण जानकारी वास्तविक समयमै प्राप्त गर्न सक्नेछन् ।
.png)
(1).png)
.jpg)
