आज यी दुई कम्पनीको साधारण सभा बस्दै

काठमाण्डौ । आज नेपाल स्टक एक्सचेञ्ज (नेप्से)मा सूचीकृत २ वटा कम्पनीको साधारण सभा आज आयोजना हुँदैछ । आज एशियन हाईड्रोपावर र सामलिङ्ग पावर कम्पनीको साधारण सभा आयोजना हुन लागेको हो ।  

एशियन हाईड्रोपावर

एशियन हाईड्रोपावरको छैठौं वार्षिक साधारण सभा ललितपुरमा रहेको द ईन्ट्रान्स क्याफेमा आयोजना हुनेछ।

कम्पनीले सेयरधनीहरुका लागि लाभांशको प्रस्ताव नगरेकाले सभामा यससँग सम्बन्धित कुनै पनि अजेण्डा पेश हुने छैन । सभामा आव २०८०/८१ को सञ्चालक समितिको प्रतिवेदनमाथि छलफल गरि पारित गर्ने, आव २०८०/८१ को लेखापरीक्षकको प्रतिवेदन र अनुसूची सहितको वित्तिय विवरणहरु उपर छलफल गरि सोलाई पारित गर्ने र आव २०८१/८२ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्तावहरु पारित गरिनेछ ।  

सामलिङ्ग पावर  

सामलिङ्ग पावरको छैठौं वार्षिक साधारण सभा ललितपुरमा रहेको द इन्ट्रान्स क्याफेसमा साढे १० बजेदेखि आयोजना हुनेछ । कम्पनीले पनि गत आवका लागि लाभांशको प्रस्ताव नगरेकाले सभामा लाभांशको अजेण्डा पेश हुने छैन ।  

सभामा आव २०८०/८१ को सञ्चालक समितिको वार्षिक प्रतिवेदनमाथि छलफल गरि पारित गर्ने, आव २०८०/८१ को लेखापरीक्षकको प्रतिवेदनसहितको वित्तिय विवरणहरु उपर छलफल गरि पारित गर्ने र आव २०८१/८२ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्तावहरु पारित गरिनेछ ।