अन्धकारमय बन्दै बेलायत, ७६ शहरमा विद्युत आपूर्ति कटौतीको चेतावनी

काठमाण्डौ । यो साताको शुक्रबार बेलायतबासीका लागि अन्धकारमय हुने भएको छ । अन्तराष्ट्रिय सञ्चार माध्यम डेली एक्सप्रेसका अनुसार शुक्रबार अर्थात जनवरी २४ का दिन खराब मौसमका कारण बेलायतका सबै ७६ वटा शहरमा विद्युत आपूर्ति बन्द हुने भएको छ । 

बेलायतको मौसम पूर्वानुमान शाखा मेट अफिसका अनुसार अत्याधिक हिँउ र आइसका कारण बेलायतका सबै राज्य प्रभावित हुनेछन् । यसमा पनि अत्याधिक प्रभावित नर्दन आयरल्याण्डमा सबैभन्दा चेतावनी(रेड वार्निङ) दिइएको छ भने स्कट्ल्याण्ड , वेल्स र इँग्ल्याण्डमा येल्लो वार्निङ जारी गरिएको छ ।  

खराब मौसमकै कारण आज बेलायतमा विद्युत आपूर्तिका साथै मोबाइल फोन , रेल तथा अन्य हवाई तथा फेरी यातायात , रोड तथा पुल पनि बन्द हुन सक्ने मेट अफिसले जनाएको छ । खराब मौसमसँगै हावाको गति पनि ७० देखि ८० माइल पति घण्टाको दरले चल्न सक्ने पनि मेटलाइफले चेतावनी जारी गरेको छ ।