बलेफी हाईड्रोपावरको अवितरित हकप्रद सेयर खरिदका लागि आवेदन दिने आज अन्तिम दिन

काठमाण्डौ । बलेफी हाईड्रोपावर लिमिटेडको लिलामीमाफर्त बिक्रीमा राखिएको अवितरित हकप्रद सेयरमा आवेदन पेश गर्ने आज अन्तिम दिन रहेको छ । कम्पनीले गत फागुन ५ गतेदेखि १७ लाख ९८ हजार ६५६ कित्ता अवितरित हकप्रद सेयर बोलकबोल प्रक्रियामार्फत बिक्री राखेको थियो ।  

कुल सेयर संख्यामध्ये संस्थापक समूहको ६ लाख ७६ हजार १९१ कित्ता, सर्वसाधारण समूहको लकइनमा रहेको ५ लाख ८ हजार ८९२ कित्ता र सर्वसाधारण समूहतर्फको लकइनमा रहेको ६ लाख १३ हजार ५७३ कित्ता सेयर रहेका छन् । यी सेयरहरु आगामी चैत २९ गतेसम्म लकइनमा रहेको कम्पनीले जनाएको छ ।  

बोलपत्र आवेदन पाइने र बुझाउने ठाँउहरुमा एनआईएमबी एस क्यापिटल लाजिम्पाट, शाखा कार्यालयहरु, चिप्लेढुङ्गा(पोखरा),ट्राफिकचोक बुटवल,आदर्शनगर विरगञ्ज र विराटनगर(गोल्छाचोक) तोकिएको छ । सेयरको न्यूनतम मूल्य रु.१०० निर्धारण गरिएको छ । आवेदन पेश गर्दा न्यूनतम १०० कित्ता र अधिकतममा मागबमोजिम दिन पाइनेछ ।