लगातार सात दिनको गिरावटमा १३९ अंकले घट्यो नेप्से, आज विकास बैंक समूहमा हरियाली

काठमाण्डौ । साताको तेस्रो कारोबार दिन आज पनि नेपाल स्टक एक्सचेञ्च (नेप्से) मा दोहोरो अंकको गिरावट आएको छ । आज नेप्से परिसूचक १.१७ प्रतिशत अर्थात ३२.२१ अंकले घटेर २ हजार ७१९.२० विन्दुमा सीमित बनेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.७१ प्रतिशतले घटेर ४५६.४७ विन्दुमा झरेको छ । यो दिन नेप्सेमा सूचीकृत मध्ये ३०३ वटा स्क्रिप्टको १ करोड ५५ लाख ५९ हजार ६८३ कित्ता सेयर ८ अर्ब ३९ करोड ११ लाख रुपैयाँभन्दा बढीको कारोबार भएको  छ ।

यससँगै नेप्से लगातार ७ दिन घटेको छ । यो अवधिमा नेप्से परिसूचक १३९.२३ अंकले घटेको छ ।  

आजको बजारबारे अर्थशास्त्री सूर्यनारायण पौडेल भन्छन्,  ‘ राजनीतिक विषयका कारण सेयर बजार विगत केही दिनदेखि निरन्तर घटिरहेको छ । सामाजिक सञ्जालमा आईरहेका नकारात्मक टिप्पणीका कारण समेत बजारमा दबाब परेको छ ।’

लगातार बजार घट्नुले प्यानिक सेलको अवस्थामा बजार पुगेको उनले बताए । यद्यपी पौडेलले हाईड्रो र विकास बैंक चल्न थालेपछि फेरि बजार सम्हालिने विश्वास व्यक्त गरे । ‘सेयर कर्जा प्रवाह राम्रै भएको छ र बजारमा तरलता समेत सहज छ,’ उनले भने  

अर्का बजार जानकार नीमानन्द कंडेलपनि पनि राजनीतिक कारणले बजार घटेको बताए । लगानीकर्तामा ठूलो आन्दोलन हुन्छ कि भन्ने भयले डेरा जमाउदा उनीहरु अत्तालिदा बजारमा गिरावट आएको कंडेलले बताए ।    

यो दिन नेप्सेमा सूचीकृत १३ वटा समूहमध्ये एउटा बाहेक अन्य सबैमा रातो पोतियो। आज विकास बैंक समूह १.९३ प्रतिशतले बढ्यो ।  

उत्पादन तथा प्रशोधन समूह आज सर्वाधिक अर्थात २.४९ प्रतिशतले घट्यो । बैंकिङ समूह पनि आज ०.७१ प्रतिशत,फाइनान्स १.५७, होटल १.१३,हाईड्रो १.५१, लगानी १.८९,जीवन बीमा १.३०,लघुवित्त ०.८९,म्युचुअल फण्ड ०.१०,निर्जीवन बीमा ०.९९,अन्य १.६८ र व्यापार समूह १.७९ प्रतिशतले घट्यो ।  

धेरै कारोबार गर्ने कम्पनीहरु

यो दिन हिमालयन रिइन्स्योरेन्सको सर्वाधिक सेयर कारोबार भयो । आज यो कम्पनीको ५८ करोड ६५ लाख बढीको कारोबार भयो । नेपाल पुनर्बीमा कम्पनीको पनि आज ५३ करोड ३६ लाख,महालक्ष्मी विकास बैंकको ४३ करोड ३४ लाख र गार्डियन माइक्रो लाइफको ३७ करोड २८ लाख बढीको सेयर कारोबार भयो ।

धरै कमाउने र गुमाउने कम्पनीहरु

आज नेप्सेमा कारोबार भएको एउटा मात्रै कम्पनीको सेयरमूल्यमा अपर सर्किट लाग्यो ।  महालक्ष्मी विकास बैंकको सेयरमूल्य आज ९.९८ प्रतिशतले घट्यो । विन नेपाल लघुवित्तको सेयरमूल्य पनि आज ८.८० प्रतिशत,ज्योति विकास बैंकको ३.३५ र सांग्रिला डेभलपमेन्ट बैंकको सेयरमूल्य ३.११ प्रतिशतले बढ्यो ।  

नेष्डो समृद्ध लघुवित्तको सेयरमूल्य आज सर्वाधिक अर्थात ६.६९ प्रतिशतले घट्यो । यस्तै उन्नती सहकार्य लघुवित्तको ५.३६ प्रतिशत र हिमालयन पावर पार्टनरको सेयरमूल्य ४.७२ प्रतिशतले घट्यो ।