.gif)
(2).gif)
_(1).gif)
.png)
काठमाण्डौ । कांग्रेस नेतृत्वको वर्तमान सत्ता गठबन्धन जोगाउने अन्तिम प्रयास सुरु भएको छ ।
कांग्रेस सभापति शेरबहादुर देउवा पार्टीका उपसभापति तथा उपप्रधानमन्त्री पूर्णबहादुर खड्कालाई लिएर बालुवाटार पुगेका हुन् ।
प्रधानमन्त्री पुष्पकमल दाहाल(प्रचण्ड)सँग छलफल गर्न देउवा र खड्का केहीबेरअघि बालुवाटार पुगेका स्रोतले जनाएको छ ।
हिजो दिनभरि र रातभरिमा दलहरुबीच थुप्रै खालका छलफलहरु भएका छन् । सो क्रममा अहिलेको सत्ता गठबन्धनलाई ढालेर नयाँ समीकरण बनाउने मोटामोटी सहमति बनिसकेको छ । यही सहमतिका कारण आज बिहान ८ बजे बोलाइएको सत्ता गठबन्धनको बैठक समेत स्थगित गरिएको थियो ।
गठबन्धनको बैठक स्थगित भए पनि कांग्रेस सभापति देउवा र उपसभापति खड्का प्रचण्डसँग छलफल गर्न बालुवाटार पुगेका हुन् । उनीहरुले माओवादीसँग पछिल्लो समय बिग्रिएको सम्बन्ध सुधार्ने अन्तिम प्रयास गर्ने दाबी गरिएको छ ।
तर, घटनाक्रमहरु निकै अगाडि बढेकोले अहिलेको सत्ता गठबन्धन जोगिने सम्भावना नरहेको कांग्रेसका सहमहामन्त्री महेन्द्र यादवले दाबी गरेका छन् । बिजशालासँग कुरा गर्दै उनले कांग्रेसकै केही नेताहरुका कारण माओवादी भड्किएको र अब घटनाक्रम हेर्दा नयाँ सत्ता समीकरण बन्ने अवस्था देखिएको बताए । देउवा र खड्काले माओवादीका अध्यक्ष तथा प्रम प्रचण्डसँग फाइनल टक गर्न खोजे पनि त्यसबाट खासै प्रतिफल ननिस्किने उनको ठोकुवा छ ।
.gif)
.png)
.jpg)
.jpg)
.jpg)
(1).gif)
.gif)
