६० भन्दा धेरै ब्रोकरहरु ‘फुल्ली अटोमेसन’मा, सेयर बेचेपछि ‘अटो कोल्याट्रल लोड’ हुने

काठमाण्डौं । हाल नेप्सेमा २/३  वटा संस्थाको टीएमस सञ्चालनमा रहेका छन् । जसमा नेप्सेद्वारा सञ्चालित वाईको कम्पनी र ब्रोकरहरुको आफ्नै निजी कम्पनी डीजी हब रहेका छन् भने अन्य केही ठूला ब्रोकरहरुले पनि आफ्नै टीएमएस सञ्चालनमा ल्याएका छन् ।  

नेप्सेद्वारा सञ्चालित वाईको कम्पनीको टीएमएस २०१८ नोभेम्बरमा सञ्चालनमा आएको थियो । त्यसको सात वर्षपछि मात्रै वाईको कम्पनीले सञ्चालनमा ल्याएको टीएमएस फुल्ली अटोमेसनमा गएको छ । अर्थात अब लगानीकर्ताहरुले आफूले बेचेको सेयरबराबरको पैसा टीएमएसमा अटोमेटिक लोड हुने भएको छ । यस भन्दा पहिले लगानीकर्ताहरुले सेयर बेचे पछि पनि कोल्याट्रल लोड गर्न फोन सम्पर्क गर्नु पर्ने हुन्थ्यो ।  

एक ब्रोकरका अनुसार अब सिस्टमले नै ग्राहक पहिचान गरि अटोमेटिक रुपमा कोल्याट्रल लोड हुने गरेको छ । डीजी हबले पनि आफ्नो नयाँ टीएमए फुल्ली अटोमेसनमा रहेको र लगानीकर्ताहरुले बेचेको सेयरको अटोमेटिक रुपमा कोल्याट्रल लोड हुने बताएको छ । 

वाईको कम्पनीको एक अधिकारीले हाल ६० भन्दा बढी ब्रोकरहरु फुल्ली अटोमेसनमा गएको बताए । उनका अनुसार कसलाई कति कोल्यट्रल दिने भन्ने विषय ब्रोकरहरुले नै सिस्टमबाट मिलाउन सक्ने पनि जानकारी दिए ।