(2).gif)
(1).gif)
(3).gif)
.jpg)
.gif)
.png)
काठमाण्डौ । नेपाल राष्ट्र बैंकका गभर्नर विश्वनाथ पौडेलको सम्पत्ति विवरण सार्वजनिक भएको छ । सार्वजनिक भएको विवरणअनुसार गर्भनर पौडेलसँग करिब साढे १५ लाख कित्ता सेयर रहेको छ । गभर्नर नियुक्त भएपछि सम्पत्ति विवरण सार्वजनिक गर्नुपर्ने प्रावधान अनुरुप पौडेलले आफ्नो र श्रीमतीको नाममा रहेको सम्पत्ति सार्वजनिक गरेका हुन् ।
गभर्नर पौडेलसँग विभिन्न ७ वटा कम्पनीहरूमा आफ्नो र श्रीमती प्रतिभा शर्माको नामबाट १५ लाख ३६ हजार ५८९ कित्ता सेयर रहेको छ । यो कुल सेयरको मूल्य १४ करोड ५ लाख ६७ हजार रुपैयाँबराबर रहेको छ ।
उनीसँग सानिमा बैंकको प्रवर्द्धक २ लाख ४४ हजार १७६ कित्ता, सानिमा माई हँईड्रोको ९२ हजार ५७९ कित्ता(साधारण प्रवर्द्धकबाट रुपान्तरित), सानिमा मिडिल तमोरको १ लाख ८८ हजार कित्ता, ग्लोकेको प्रालिको १ लाख ८६ हजार ८३४ कित्ता, संयुक्त उर्जा हाईड्रोपावरको ५ लाख कित्ता, चितवन इनर्जीको २ लाख ५० हजार र ग्लोबेको प्रालि(प्रतिभा शर्माको नाममा)७५ हजार कित्ता रहेको छ ।
यस्तै पौडेलले विभिन्न बैंक तथा वित्तीय संस्थाको ६ वटा खातामा करिब २७ लाख रुपैयाँ नगद रहेको छ । जसमध्ये ३ वटा पौडेल आफ्नै र बाँकी ३ वटा वटा श्रीमतीको नाममा खोलिएको छ । तीमध्ये २ वटा डलर खाता रहेका छन् । गभर्नर पौडेलको सानिमा बैंक, नेपाल इन्भेष्टमेन्ट मेगा बैंक र सानिमा बैंक(डलर ) मा खाता रहेको छ ।
उनकी श्रीमती प्रतिभा शर्माको सानिमा बैंक, प्रभु बैंक र सानिमा बैंक(डलर) खाता छ ।
यसैगरी श्रीमतीको नाममा ४५ तोला सुन र १५ लाख रुपैयाँ बराबरका हिराका गहना रहेका छन् । सम्पत्ति विवरणमा श्रीमतीको नाममा ४४ लाख रुपैयाँबराबरको एउटा सुजुकी गाडी र ललितपुरको सैंबु र नवलपरासी गैंडाकोटमा एक/एक वटा घर र जग्गा रहेको उल्लेख छ ।
यी सबै सम्पत्ति स्वआर्जन र पैतृक सम्पत्तिबाट आर्जन गरेको विवतरणमा उल्लेख छ ।
(1).gif)
(2).gif)
(2).gif)
.png)
.gif)
.png)
.jpg)
.png)
.jpg)
