काठमाण्डौमै दसैं मनाइरहेका तुल्सीरामको सन्देश-'बजारमा फेरि कन्फिडेन्स आउँदैछ, संयम भएर लगानी गर्नू'

काठमाण्डौं । यस बर्ष पनि हरेक नेपालीको घर आँगनमा दसैंको उल्लासमय बातबरण देखिदैछ । देशमा बर्षा ऋतु सकिएर शरद ऋतुृको सुरुवात भइसकेको छ । योसँगै हरेक बर्ष जस्तै नेपालमा चाडपर्व सुरु भएका छन् ।  

दसैं मनाउनेहरु विदेशबाट स्वदेश र स्देशभित्रै राजधानी तथा देशका ठूला शहरमा काम विशेषले ब्यस्त रहेकाहरु पनि गाउँघर फर्किसकेका छन् । 

सेयर लगानीकर्ताहरुको एउटा अग्रणी संस्था नेपाल इन्भेष्टर्स फोरमका अध्यक्ष तुलसीराम ढकालले यस बर्षको दसैं सामन्य रुपमा काठमाण्डौमा नै मनाइरहेका छन् ।  

यस बर्ष भखर्र ठूलो आन्दोलनपछि देशले निकास पाउँदै गरेका कारण पनि दसैंमा ठूलो तडकभडक नगर्ने सोचमा रहेको उनले बताए ।  

आफ्ना बुबाआमा पनि काठमाण्डौमा नै रहेका कारण यसपटक उनको दसैं काठमाण्डौमै रमाइलो भइरहेको उनले बताए । उनले आन्दोलनमा मृत्यु हुनेहरुलाई श्रद्धाञ्जली अर्पण गर्दै घाइतेहरुको शीघ्र स्वास्थ्य लाभको कामना समेत गरेका छन् । 

साथै ६४ लाख सेयर लगानीकर्ताहरुलाई शुभकामना दिँदै पूँजीबजारमा नआत्तिन र उच्च मनोबलका साथ कारोबार गर्न पनि सुझाव दिए । 'देशको अबस्था विस्तारै सुधार हुँदै गएको छ । बजारमा फेरी कन्फिडेन्स पनि आउँछ ।' यसकारण उनले लगानीकर्ताहरुलाई संयम भएर सेयर कारोबार गर्न र हाँसीखुसीका साथ दसैं मनाउन सुझाएका छन् ।